قر ۇلتتىق بانكٸنٸڭ جەلتوقسان ايىنداعى التىنۆاليۋتا قورى 3,5% تٶمەندەگەن, دەپ حابارلايدى قازاقپارات.
الدىن الا دەرەكتەر بويىنشا, ۇلتتىق بانكتٸڭ جالپى حالىقارالىق رەزەرۆتەرٸ بٸر جىل بۇرىنعى كٶرسەتكٸشتەن 3,1% تٶمەندەپ, 34,4 ملرد دوللار بولعان. ياعني, ەلدٸڭ التىنۆاليۋتا قورى جىل باسىنان بەرٸ 3,5% تٶمەندەگەن.
«التىنۆاليۋتا رەزەرۆتەرٸنٸڭ تٶمەندەۋٸ مەملەكەتتٸك بورىشتى تٶلەۋدەن, ٷكٸمەت پەن ۇلتتىق بانك كليەنتتەرٸنٸڭ كوررەسپوندەنتتٸك وپەراتسييالارىنان, سونداي-اق ۆاليۋتالىق ينتەرۆەنتسييالار ەسەبٸنەن بولدى», - دەپ جازادى ۇلتتىق بانك سايتى.
الدىن الا دەرەكتەر بويىنشا, ۇلتتىق قوردىڭ شەتەل ۆاليۋتاسىنداعى اكتيۆتەرٸن قوسقاندا (55,3 ملرد اقش دوللارى) ەلدٸڭ جالپى حالىقارالىق رەزەرۆتەرٸ جەلتوقساننىڭ سوڭىندا 89,7 ملرد دوللار بولعان.
«2021 جىلدىڭ جەلتوقسان ايىندا اقشا بازاسى 4,6% كەڭەيٸپ, 10 957,7 ملرد تەڭگەنٸ قۇرادى. بۇل جىل باسىنداعى جاعدايدان 12,1% ارتىق. ال ەكٸنشٸ دەڭگەيدەگٸ بانكتەردٸڭ ۇلتتىق بانكتەگٸ مەرزٸمدٸ دەپوزيتتەرٸن ەسەپتەمەگەندەگٸ اقشا بازاسى 12,9% نەمەسە 6 945,4 ملرد تەڭگەگە دەيٸن كەڭەيدٸ. بۇل جىل باسىنداعى جاعدايمەن سالىستىرعاندا 36,5% ارتىق», - دەلٸنگەن مەلٸمەتتە.
قورىتىندىلاساق, 2021 جىلدىڭ اياعىنا قاراي ەلدەگٸ اقشا ماسساسى 4,9% ٶسٸپ, 30 099,3 ملرد تەڭگە بولعان. بۇل جىل باسنىداعى جاعدايدان 20,8% ارتىق دەگەن سٶز. ال اينالىستاعى قولما-قول اقشا 2 997,7 ملرد تەڭگەگە دەيٸن جەتكەن نەمەسە جىل باسىنان بەرٸ 6,0%ٶسكەن.
