Qazaqstan Ulttyq banki aǵymdaǵy jyly eldiń IJÓ-niń 4,2%-ǵa deiin ósý boljamyn arttyrý baǵytynda qaita qarady. 2020 jyly respýblika ekonomikasy 3,8%-ǵa ósedi dep kútilýde.
Bul týraly Ulttyq bank jariialanǵan «Infliatsiiaǵa sholýda» aitylady.
«2019-2020 jyldary ekonomikanyń ósýi boiynsha boljamdar ulǵaiý jaǵyna qarai qaita qaraldy. Boljamdardy qaita qaraý infraqurylymdyq jáne investitsiialyq jobalardy iske asyrý nátijesinde 2020 jyly oń fiskaldyq impýlspen jáne jalpy jinaqtaýdyń boljamyn neǵurlym joǵary ósý jaǵyna qaita baǵalaýmen bailanysty», - delingen qujatta.
Qysqa merzimdi bolashaqta ósýdiń negizgi draiveri halyqtyń naqty aqshalai kiristeriniń ósýimen jáne oń fiskaldyq impýlspen qoldaý kórsetiletin tutyný suranysy bolyp qalady. 2020 jyly biýdjet qyzmetkerlerine tólenetin eńbekaqynyń ósimi aiasynda memlekettik saiasattyń áleýmettik baǵytyn saqtaý, sondai-aq áleýmettik qoldaý men áleýmettik kómekke arnalǵan biýdjet shyǵystaryn ulǵaitý josparlanýda.
Memlekettik basqarý organdardyń tutyný, sondai-aq eńbekaqy tóleý shyǵystarynyń jáne memlekettik sektordyń jumys pen kórsetiletin qyzmetteriniń satyp alýǵa shyǵyndarynyń ósýi jaǵdaiynda IJÓ-niń ósýine oń úles qosatyn bolady dep kútilýde.
Ulttyq banktiń boljamyna sáikes, eksport munai men gaz kondensatyn óndirýdiń ósýi aiasynda qalypty qarqynmen ósetin bolady. Sonymen qatar EO jáne Qytai ekonomikalarynyń baiaýlaýy aiasynda baiaý syrtqy suranysty saqtaý boljanyp otyr. Tutynýshylyq jáne investitsiialyq suranystyń artýy aiasynda ekonomikalyq belsendiliktiń serpinine tejeýshi áser ete otyryp, import ósetin bolady.
Qysqa merzimdi kezeńde óndiris ádisimen IJÓ-niń ósýi ekonomikanyń barlyq negizgi salalalaryna oń serpin beretin bolady. Taý-ken óndirý ónerkásibinde ósim munai jáne gaz kondensatyn óndirý kólemderiniń ulǵaiýymen bailanysty bolady. Qaita óńdeý ónerkásibi qara metalýrgiia men tústi metaldarda óndiristi ulǵaitý esebinen ósim kórsetedi.
«Taý ken óndirý ónerkásibindegi oń serpin jáne tutynýshylyq suranystyń ulǵaiýy saýdanyń ósýine yqpal etedi. Osylarmen qatar, aýqymdy infraqurylymdyq jáne investitsiialyq jobalardy iske asyrý aiasynda qurylys jáne kólikte oń serpindi saqtaý kózdeledi», - delingen «Infliatsiiaǵa sholýda».
Ulttyq bank 2021 jyldyń birinshi jarty jyldyǵynda IJÓ-niń ósimi biraz baiaýlaitynyn boljap otyr.
«Tutynýshylyq suranystyń ósý qarqynynyń tómendeýi beitarap fiskaldyq impýls pen halyqtyń naqty aqshalai kirisiniń barynsha baiaý ósýimen bailanysty bolady. Bul rette, aýqymdy infraqurylymdyq jobalardy jáne ónerkásiptik salanyń jobalaryn iske asyrýdan investitsiialyq belsendilikke áser 2020 jylǵa qaraǵanda tómen bolady. Munai ónimderin óndirý kólemderiniń neǵurlym baiaý serpini aiasynda naqty eksporttyń baiaýlaýy baiqalady. Sondai-aq, import ta ishki tutynýshylyq jáne investitsiialyq suranystyń baiaýlaýy nátijesinde neǵurlym tómen ósý qarqynyn kórsetetin bolady», - dep boljaidy Ulttyq bank.
