قازاقستان ۇلتتىق بانكٸ اعىمداعى جىلى ەلدٸڭ ٸجٶ-نٸڭ 4,2%-عا دەيٸن ٶسۋ بولجامىن ارتتىرۋ باعىتىندا قايتا قارادى. 2020 جىلى رەسپۋبليكا ەكونوميكاسى 3,8%-عا ٶسەدٸ دەپ كٷتٸلۋدە.
بۇل تۋرالى ۇلتتىق بانك جارييالانعان «ينفلياتسيياعا شولۋدا» ايتىلادى.
«2019-2020 جىلدارى ەكونوميكانىڭ ٶسۋٸ بويىنشا بولجامدار ۇلعايۋ جاعىنا قاراي قايتا قارالدى. بولجامداردى قايتا قاراۋ ينفراقۇرىلىمدىق جەنە ينۆەستيتسييالىق جوبالاردى ٸسكە اسىرۋ نەتيجەسٸندە 2020 جىلى وڭ فيسكالدىق يمپۋلسپەن جەنە جالپى جيناقتاۋدىڭ بولجامىن نەعۇرلىم جوعارى ٶسۋ جاعىنا قايتا باعالاۋمەن بايلانىستى», - دەلٸنگەن قۇجاتتا.
قىسقا مەرزٸمدٸ بولاشاقتا ٶسۋدٸڭ نەگٸزگٸ درايۆەرٸ حالىقتىڭ ناقتى اقشالاي كٸرٸستەرٸنٸڭ ٶسۋٸمەن جەنە وڭ فيسكالدىق يمپۋلسپەن قولداۋ كٶرسەتٸلەتٸن تۇتىنۋ سۇرانىسى بولىپ قالادى. 2020 جىلى بيۋدجەت قىزمەتكەرلەرٸنە تٶلەنەتٸن ەڭبەكاقىنىڭ ٶسٸمٸ اياسىندا مەملەكەتتٸك ساياساتتىڭ ەلەۋمەتتٸك باعىتىن ساقتاۋ, سونداي-اق ەلەۋمەتتٸك قولداۋ مەن ەلەۋمەتتٸك كٶمەككە ارنالعان بيۋدجەت شىعىستارىن ۇلعايتۋ جوسپارلانۋدا.
مەملەكەتتٸك باسقارۋ ورگانداردىڭ تۇتىنۋ, سونداي-اق ەڭبەكاقى تٶلەۋ شىعىستارىنىڭ جەنە مەملەكەتتٸك سەكتوردىڭ جۇمىس پەن كٶرسەتٸلەتٸن قىزمەتتەرٸنٸڭ ساتىپ الۋعا شىعىندارىنىڭ ٶسۋٸ جاعدايىندا ٸجٶ-نٸڭ ٶسۋٸنە وڭ ٷلەس قوساتىن بولادى دەپ كٷتٸلۋدە.
ۇلتتىق بانكتٸڭ بولجامىنا سەيكەس, ەكسپورت مۇناي مەن گاز كوندەنساتىن ٶندٸرۋدٸڭ ٶسۋٸ اياسىندا قالىپتى قارقىنمەن ٶسەتٸن بولادى. سونىمەن قاتار ەو جەنە قىتاي ەكونوميكالارىنىڭ باياۋلاۋى اياسىندا باياۋ سىرتقى سۇرانىستى ساقتاۋ بولجانىپ وتىر. تۇتىنۋشىلىق جەنە ينۆەستيتسييالىق سۇرانىستىڭ ارتۋى اياسىندا ەكونوميكالىق بەلسەندٸلٸكتٸڭ سەرپٸنٸنە تەجەۋشٸ ەسەر ەتە وتىرىپ, يمپورت ٶسەتٸن بولادى.
قىسقا مەرزٸمدٸ كەزەڭدە ٶندٸرٸس ەدٸسٸمەن ٸجٶ-نٸڭ ٶسۋٸ ەكونوميكانىڭ بارلىق نەگٸزگٸ سالالالارىنا وڭ سەرپٸن بەرەتٸن بولادى. تاۋ-كەن ٶندٸرۋ ٶنەركەسٸبٸندە ٶسٸم مۇناي جەنە گاز كوندەنساتىن ٶندٸرۋ كٶلەمدەرٸنٸڭ ۇلعايۋىمەن بايلانىستى بولادى. قايتا ٶڭدەۋ ٶنەركەسٸبٸ قارا مەتالۋرگييا مەن تٷستٸ مەتالداردا ٶندٸرٸستٸ ۇلعايتۋ ەسەبٸنەن ٶسٸم كٶرسەتەدٸ.
«تاۋ كەن ٶندٸرۋ ٶنەركەسٸبٸندەگٸ وڭ سەرپٸن جەنە تۇتىنۋشىلىق سۇرانىستىڭ ۇلعايۋى ساۋدانىڭ ٶسۋٸنە ىقپال ەتەدٸ. وسىلارمەن قاتار, اۋقىمدى ينفراقۇرىلىمدىق جەنە ينۆەستيتسييالىق جوبالاردى ٸسكە اسىرۋ اياسىندا قۇرىلىس جەنە كٶلٸكتە وڭ سەرپٸندٸ ساقتاۋ كٶزدەلەدٸ», - دەلٸنگەن «ينفلياتسيياعا شولۋدا».
ۇلتتىق بانك 2021 جىلدىڭ بٸرٸنشٸ جارتى جىلدىعىندا ٸجٶ-نٸڭ ٶسٸمٸ بٸراز باياۋلايتىنىن بولجاپ وتىر.
«تۇتىنۋشىلىق سۇرانىستىڭ ٶسۋ قارقىنىنىڭ تٶمەندەۋٸ بەيتاراپ فيسكالدىق يمپۋلس پەن حالىقتىڭ ناقتى اقشالاي كٸرٸسٸنٸڭ بارىنشا باياۋ ٶسۋٸمەن بايلانىستى بولادى. بۇل رەتتە, اۋقىمدى ينفراقۇرىلىمدىق جوبالاردى جەنە ٶنەركەسٸپتٸك سالانىڭ جوبالارىن ٸسكە اسىرۋدان ينۆەستيتسييالىق بەلسەندٸلٸككە ەسەر 2020 جىلعا قاراعاندا تٶمەن بولادى. مۇناي ٶنٸمدەرٸن ٶندٸرۋ كٶلەمدەرٸنٸڭ نەعۇرلىم باياۋ سەرپٸنٸ اياسىندا ناقتى ەكسپورتتىڭ باياۋلاۋى بايقالادى. سونداي-اق, يمپورت تا ٸشكٸ تۇتىنۋشىلىق جەنە ينۆەستيتسييالىق سۇرانىستىڭ باياۋلاۋى نەتيجەسٸندە نەعۇرلىم تٶمەن ٶسۋ قارقىنىن كٶرسەتەتٸن بولادى», - دەپ بولجايدى ۇلتتىق بانك.
