QR Indýstriia jáne infraqurylymdyq damý ministrligi, QR Syrtqy ister ministrligi jáne úshinshi elderdiń memlekettik organdarynyń kómegimen Ýkrainadan 23 qazaqstandyq júk kóligi shyǵaryldy.
Taǵy 7 júk kóligi Polsha shekarasynda ornalasqan, dep habarlady QR IIDM baspasóz qyzmeti.
26 júk kóligi Ýkrainanyń ortalyq jáne shyǵys aimaqtarynda qalyp otyr. Ol júrgizýshilerge de qoldaý kórsetilip jatyr.
Esterińizge sala keteiik, buǵan deiin QR IIDM-de halyqaralyq júk tasymalynda týyndaǵan máseleler boiynsha jedel keńes ótken bolatyn. Qazaqstandyq júk kólikterin Ýkrainadan shyǵarý úshin olardyń tizimi jasalyp, QR Syrtqy ister ministrligine berildi. Sondai-aq, QR IIDM kólikter men júrgizýshilerdi qosymsha qujattarsyz ótkizý jóninde Polsha men Moldovanyń memlekettik organdaryna júgindi. 2022 jylǵy 28 aqpanda QR Indýstriia jáne infraqurylymdyq damý vitse-ministri Berik Kamaliev ýákiletti organdarmen qazaqstandyq tasymaldaýshylardyń Ýkrainadan shyǵýy úshin "jasyl dáliz" uiymdastyrý jóninde kelissózder júrgizdi.
Keńes barysynda tasymaldaýshylarǵa júrgizýshilerdi Ýkrainanyń batys bóligi arqyly Polsha men Moldaviia shekaralaryna jiberý usynyldy. Onda ótkizý pýnktteri ashylyp, jeńildetilgen tártippen ótý uiymdastyryldy.
3 naýryzda vitse-ministr B.Kamaliev Polshanyń infraqurylym jáne qurylys ministri A.Adamchikpen telefonmen sóilesip, júk tasymalynda týyndaǵan jaǵdaidy talqylady.
Budan basqa, QR IIDM-de júk tasymaldaý salasyndaǵy máseleler boiynsha jedel shtab qurylyp, ony ministr Qaiyrbek Óskenbaev basqardy. Jedel shtab biznes-sýbektilerge jáne halyqaralyq júk tasymaldaryna qatysýshylarǵa kómek kórsetý jáne aqparattyq qoldaý úshin qurylǵan.
Sondai-aq, QR IIDM Ahýaldyq ortalyǵy bazasynda jedel jeli ashyldy. Týyndaǵan suraqtar boiynsha Call-ortalyqqa +7 708 088 0 800; +7 (7172) 98-35-35 nómerlerine qońyraý shalýǵa, sondai-aq, + 7 708 088 0 800 WhatsApp nómirine jazýǵa bolady.
