قر يندۋسترييا جەنە ينفراقۇرىلىمدىق دامۋ مينيسترلٸگٸ, قر سىرتقى ٸستەر مينيسترلٸگٸ جەنە ٷشٸنشٸ ەلدەردٸڭ مەملەكەتتٸك ورگاندارىنىڭ كٶمەگٸمەن ۋكراينادان 23 قازاقستاندىق جٷك كٶلٸگٸ شىعارىلدى.
تاعى 7 جٷك كٶلٸگٸ پولشا شەكاراسىندا ورنالاسقان, دەپ حابارلادى قر ييدم باسپاسٶز قىزمەتٸ.
26 جٷك كٶلٸگٸ ۋكراينانىڭ ورتالىق جەنە شىعىس ايماقتارىندا قالىپ وتىر. ول جٷرگٸزۋشٸلەرگە دە قولداۋ كٶرسەتٸلٸپ جاتىر.
ەستەرٸڭٸزگە سالا كەتەيٸك, بۇعان دەيٸن قر ييدم-دە حالىقارالىق جٷك تاسىمالىندا تۋىنداعان مەسەلەلەر بويىنشا جەدەل كەڭەس ٶتكەن بولاتىن. قازاقستاندىق جٷك كٶلٸكتەرٸن ۋكراينادان شىعارۋ ٷشٸن ولاردىڭ تٸزٸمٸ جاسالىپ, قر سىرتقى ٸستەر مينيسترلٸگٸنە بەرٸلدٸ. سونداي-اق, قر ييدم كٶلٸكتەر مەن جٷرگٸزۋشٸلەردٸ قوسىمشا قۇجاتتارسىز ٶتكٸزۋ جٶنٸندە پولشا مەن مولدوۆانىڭ مەملەكەتتٸك ورگاندارىنا جٷگٸندٸ. 2022 جىلعى 28 اقپاندا قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ ۋەكٸلەتتٸ ورگاندارمەن قازاقستاندىق تاسىمالداۋشىلاردىڭ ۋكراينادان شىعۋى ٷشٸن "جاسىل دەلٸز" ۇيىمداستىرۋ جٶنٸندە كەلٸسسٶزدەر جٷرگٸزدٸ.
كەڭەس بارىسىندا تاسىمالداۋشىلارعا جٷرگٸزۋشٸلەردٸ ۋكراينانىڭ باتىس بٶلٸگٸ ارقىلى پولشا مەن مولداۆييا شەكارالارىنا جٸبەرۋ ۇسىنىلدى. وندا ٶتكٸزۋ پۋنكتتەرٸ اشىلىپ, جەڭٸلدەتٸلگەن تەرتٸپپەن ٶتۋ ۇيىمداستىرىلدى.
3 ناۋرىزدا ۆيتسە-مينيستر ب.كاماليەۆ پولشانىڭ ينفراقۇرىلىم جەنە قۇرىلىس مينيسترٸ ا.ادامچيكپەن تەلەفونمەن سٶيلەسٸپ, جٷك تاسىمالىندا تۋىنداعان جاعدايدى تالقىلادى.
بۇدان باسقا, قر ييدم-دە جٷك تاسىمالداۋ سالاسىنداعى مەسەلەلەر بويىنشا جەدەل شتاب قۇرىلىپ, ونى مينيستر قايىربەك ٶسكەنباەۆ باسقاردى. جەدەل شتاب بيزنەس-سۋبەكتٸلەرگە جەنە حالىقارالىق جٷك تاسىمالدارىنا قاتىسۋشىلارعا كٶمەك كٶرسەتۋ جەنە اقپاراتتىق قولداۋ ٷشٸن قۇرىلعان.
سونداي-اق, قر ييدم احۋالدىق ورتالىعى بازاسىندا جەدەل جەلٸ اشىلدى. تۋىنداعان سۇراقتار بويىنشا Call-ورتالىققا +7 708 088 0 800; +7 (7172) 98-35-35 نٶمەرلەرٸنە قوڭىراۋ شالۋعا, سونداي-اق, + 7 708 088 0 800 WhatsApp نٶمٸرٸنە جازۋعا بولادى.
