Ýkrainadaǵy Qazaqstan azamattary Varshavada daýys beredi. Bul týraly búgin Ortalyq sailaý komissiiasynyń otyrysynda Syrtqy ister ministrliginiń erekshe tapsyrmar jónindegi elshisi Jalǵas Ádilbaev aitty, dep habarlaidy QazAqparat.
«Qazirgi tańda syrtqy saiasi vedomstvonyń shet elderdegi mekemeleriniń janynda, 53 memlekette 68 ýchaskelik komissiia quryldy. Barlyq komissiia músheleri bekitilip, olardyń sáikestigin anyqtaý boiynsha testileý ótkizildi. Barlyq sailaý ýchaskeleri prezident sailaýyn ótkizýge daiyn. Ózderińizge belgili, Ýkrainadaǵy ahýalǵa bailanysty sol jerdegi Qazaqstan azamattary men elshilik qyzmetkerleri Varshava qalasynda daýys beredi», - dedi SIM ókili.
Onyń atap ótýinshe, QR Ortalyq sailaý komissiiasy Syrtqy ister ministrligine joldaǵan barlyq sailaý biýlletenderi men sailaý úshin qajetti qujattar shet elderdegi mekemelerimizdiń ókilderi arqyly jetkizildi.
«Olardyń issaparlaryn qamtamasyz etý boiynsha barlyq is-sharalar tolyq iske asyryldy. Atalǵan ýchaskelerde Qazaqstannyń 12 527 azamatynyń daýys beretindigi kútiledi», - dedi Jalǵas Ádilbaev.
