ۋكرايناداعى قازاقستان ازاماتتارى ۆارشاۆادا داۋىس بەرەدٸ. بۇل تۋرالى بٷگٸن ورتالىق سايلاۋ كوميسسيياسىنىڭ وتىرىسىندا سىرتقى ٸستەر مينيسترلٸگٸنٸڭ ەرەكشە تاپسىرمار جٶنٸندەگٸ ەلشٸسٸ جالعاس ەدٸلباەۆ ايتتى, دەپ حابارلايدى قازاقپارات.
«قازٸرگٸ تاڭدا سىرتقى ساياسي ۆەدومستۆونىڭ شەت ەلدەردەگٸ مەكەمەلەرٸنٸڭ جانىندا, 53 مەملەكەتتە 68 ۋچاسكەلٸك كوميسسييا قۇرىلدى. بارلىق كوميسسييا مٷشەلەرٸ بەكٸتٸلٸپ, ولاردىڭ سەيكەستٸگٸن انىقتاۋ بويىنشا تەستٸلەۋ ٶتكٸزٸلدٸ. بارلىق سايلاۋ ۋچاسكەلەرٸ پرەزيدەنت سايلاۋىن ٶتكٸزۋگە دايىن. ٶزدەرٸڭٸزگە بەلگٸلٸ, ۋكرايناداعى احۋالعا بايلانىستى سول جەردەگٸ قازاقستان ازاماتتارى مەن ەلشٸلٸك قىزمەتكەرلەرٸ ۆارشاۆا قالاسىندا داۋىس بەرەدٸ», - دەدٸ سٸم ٶكٸلٸ.
ونىڭ اتاپ ٶتۋٸنشە, قر ورتالىق سايلاۋ كوميسسيياسى سىرتقى ٸستەر مينيسترلٸگٸنە جولداعان بارلىق سايلاۋ بيۋللەتەندەرٸ مەن سايلاۋ ٷشٸن قاجەتتٸ قۇجاتتار شەت ەلدەردەگٸ مەكەمەلەرٸمٸزدٸڭ ٶكٸلدەرٸ ارقىلى جەتكٸزٸلدٸ.
«ولاردىڭ ٸسساپارلارىن قامتاماسىز ەتۋ بويىنشا بارلىق ٸس-شارالار تولىق ٸسكە اسىرىلدى. اتالعان ۋچاسكەلەردە قازاقستاننىڭ 12 527 ازاماتىنىڭ داۋىس بەرەتٸندٸگٸ كٷتٸلەدٸ», - دەدٸ جالعاس ەدٸلباەۆ.
