Ýkrainadaǵy urys kezinde Resei Qurlyq áskerleriniń 41-qarýly áskeri qolbasshysynyń orynbasary general-maior Andrei Sýhovetskii qaza tapty. Bul týraly onyń áriptesi Sergei Chipilev VKontakte-paraqshasynda málimdedi, - dep habarlaidy Tengrinews.kz agenttigi.
"Arnaiy operatsiia kezinde dosymyz general-maior Andrei Aleksandrovich Sýhovetskiidiń Ýkraina aýmaǵynda qaza bolǵany týraly habardy qaiǵyra qabyldadyq. Andrei Aleksandrovichtiń otbasynyń qaiǵysyna ortaqtasyp kóńil aitamyz", - dep jazdy ol.
Bul aqparatty "Komsomolskaia pravda" baspasynyń áskeri tilshisi Aleksandr Kots Telegram-arnasynda rastady. Ol"Resei desantshylary odaǵynyń" búkilodaqtyq áýe-desanttyq kúshteriniń Kirov oblysyndaǵy ókili Sergei Chipilevtiń málimetine silteme jasaǵan.
Andrei Sýhovetskii 1995 jyly Riazan joǵary áýe-desanttyq komandalyq ýchilishesin 1995 jyly bitirgen. Resei Qorǵanys ministrligi saityndaǵy derekterge súiensek, ol vzvod komandirinen gvardiialyq desanttyq-shabýyldaý bólimshesiniń shtab bastyǵyna deiin túrli qyzmet atqarǵan.
