ۋكرايناداعى ۇرىس كەزٸندە رەسەي قۇرلىق ەسكەرلەرٸنٸڭ 41-قارۋلى ەسكەرٸ قولباسشىسىنىڭ ورىنباسارى گەنەرال-مايور اندرەي سۋحوۆەتسكيي قازا تاپتى. بۇل تۋرالى ونىڭ ەرٸپتەسٸ سەرگەي چيپيلەۆ ۆكونتاكتە-پاراقشاسىندا مەلٸمدەدٸ, - دەپ حابارلايدى Tengrinews.kz اگەنتتٸگٸ.
"ارنايى وپەراتسييا كەزٸندە دوسىمىز گەنەرال-مايور اندرەي الەكساندروۆيچ سۋحوۆەتسكييدٸڭ ۋكراينا اۋماعىندا قازا بولعانى تۋرالى حاباردى قايعىرا قابىلدادىق. اندرەي الەكساندروۆيچتٸڭ وتباسىنىڭ قايعىسىنا ورتاقتاسىپ كٶڭٸل ايتامىز", - دەپ جازدى ول.
بۇل اقپاراتتى "كومسومولسكايا پراۆدا" باسپاسىنىڭ ەسكەري تٸلشٸسٸ الەكساندر كوتس Telegram-ارناسىندا راستادى. ول"رەسەي دەسانتشىلارى وداعىنىڭ" بٷكٸلوداقتىق ەۋە-دەسانتتىق كٷشتەرٸنٸڭ كيروۆ وبلىسىنداعى ٶكٸلٸ سەرگەي چيپيلەۆتٸڭ مەلٸمەتٸنە سٸلتەمە جاساعان.
اندرەي سۋحوۆەتسكيي 1995 جىلى ريازان جوعارى ەۋە-دەسانتتىق كوماندالىق ۋچيليششەسٸن 1995 جىلى بٸتٸرگەن. رەسەي قورعانىس مينيسترلٸگٸ سايتىنداعى دەرەكتەرگە سٷيەنسەك, ول ۆزۆود كومانديرٸنەن گۆاردييالىق دەسانتتىق-شابۋىلداۋ بٶلٸمشەسٸنٸڭ شتاب باستىعىنا دەيٸن تٷرلٸ قىزمەت اتقارعان.
