Ýkrainadaǵy soǵystan habar taratyp júrgen Fox News telearnasynyń tilshisi, operator ári fotograf Per Zakrjevskii Kiev mańyndaǵy Gorenka aýylynda oqqa ushyp, kóz jumdy. Ol 55 jasta bolǵan.
Telearnanyń bas direktory Siýzanna Skott marqum jýrnalist Irak, Aýǵanstan, Siriia, Ýkrainaǵa deiingi barlyq halyqaralyq janjaldardyń ortasynda júrip habar taratqanyn aitty. Áriptesteri Zakrjevskiidi óz isiniń sheberi retinde eske alady.
Málimetke qaraǵanda, Zakrjevskiimen bir kólikte bolǵan Fox News telearnasynyń taǵy bir jýrnalisi Benjamin Holl aýyr jaralanǵan. Budan bólek ýkrain basylymdary jergilikti jýrnalist Aleksandra Kývshinovaǵa da oq tiip qaza tapqanyn habarlady.
Ýkraina ishki ister ministriniń keńesshisi Anton Gerashenkonyń aitýynsha, Fox News jýrnalisteriniń alǵan jaraqattaryna qaraǵanda, olar minomiot jáne artilleriialyq atqylaýǵa tap bolǵan. Gerashenko oq orys áskerleri tarabynan atylǵanyn aitty.
13 naýryzda Kiev oblysy Irpen qalasynda amerikalyq jýrnalist Brent Reno mert bolyp, onyń áriptesi aýyr jaraqat alǵan.
New York Times basylymynyń redaktory Brent Renonyń ólimin aýyr qabyldaǵanyn jetkizip, ol 2015 jylǵa deiin NYT tilshisi bolǵanyn aitty.
