ۋكرايناداعى سوعىستان حابار تاراتىپ جٷرگەن Fox News تەلەارناسىنىڭ تٸلشٸسٸ, وپەراتور ەرٸ فوتوگراف پەر زاكرجەۆسكيي كيەۆ ماڭىنداعى گورەنكا اۋىلىندا وققا ۇشىپ, كٶز جۇمدى. ول 55 جاستا بولعان.
تەلەارنانىڭ باس ديرەكتورى سيۋزاننا سكوتت مارقۇم جۋرناليست يراك, اۋعانستان, سيرييا, ۋكرايناعا دەيٸنگٸ بارلىق حالىقارالىق جانجالداردىڭ ورتاسىندا جٷرٸپ حابار تاراتقانىن ايتتى. ەرٸپتەستەرٸ زاكرجەۆسكييدٸ ٶز ٸسٸنٸڭ شەبەرٸ رەتٸندە ەسكە الادى.
مەلٸمەتكە قاراعاندا, زاكرجەۆسكييمەن بٸر كٶلٸكتە بولعان Fox News تەلەارناسىنىڭ تاعى بٸر جۋرناليسٸ بەنجامين حولل اۋىر جارالانعان. بۇدان بٶلەك ۋكراين باسىلىمدارى جەرگٸلٸكتٸ جۋرناليست الەكساندرا كۋۆشينوۆاعا دا وق تيٸپ قازا تاپقانىن حابارلادى.
ۋكراينا ٸشكٸ ٸستەر مينيسترٸنٸڭ كەڭەسشٸسٸ انتون گەراششەنكونىڭ ايتۋىنشا, Fox News جۋرناليستەرٸنٸڭ العان جاراقاتتارىنا قاراعاندا, ولار مينوميوت جەنە ارتيللەرييالىق اتقىلاۋعا تاپ بولعان. گەراششەنكو وق ورىس ەسكەرلەرٸ تارابىنان اتىلعانىن ايتتى.
13 ناۋرىزدا كيەۆ وبلىسى يرپەن قالاسىندا امەريكالىق جۋرناليست برەنت رەنو مەرت بولىپ, ونىڭ ەرٸپتەسٸ اۋىر جاراقات العان.
New York Times باسىلىمىنىڭ رەداكتورى برەنت رەنونىڭ ٶلٸمٸن اۋىر قابىلداعانىن جەتكٸزٸپ, ول 2015 جىلعا دەيٸن NYT تٸلشٸسٸ بولعانىن ايتتى.
