Ýkrainanyń Syrtqy ister ministri Andrei Sibiga Qazaqstan Prezidenti Qasym-Jomart Toqaevtyń Resei men Ýkraina arasyndaǵy qaqtyǵysty toqtatyp, diplomatiialyq kelissózderge oralý týraly málimdemesine pikir bildirdi. Ol bul týraly X áleýmettik jelisindegi paraqshasynda jazdy, dep habarlaidy ult.kz.
Sibiga Toqaevtyń Ombyda Resei prezidenti Vladimir Pýtinmen kezdesý kezinde aitqan usynysyn «realistik, der kezinde jasalǵan jáne dana málimdeme» dep baǵalady.
«Prezident Qasym-Jomart Toqaevtyń Pýtinge soǵysty toqtatatyn ýaqyt kelgenin aitqan úndeýin joǵary baǵalaimyz. Bul – realistik, der kezinde jasalǵan ári dana málimdeme. Ýkraina qazirgi shepterde urys qimyldaryn toqtatyp, diplomatiialyq jolǵa kóshýdi usyndy, alaida Kreml beibitshilikke bastaityn bul joldy áli de qabyldamai otyr», – dep jazdy Ýkraina syrtqy saiasi vedomstvosynyń basshysy.
Eske salaiyq, buǵan deiin Qasym-Jomart Toqaev Ombydaǵy kezdesý barysynda Resei men Ýkraina arasyndaǵy qaqtyǵysty toqtatyp, «Stambul formýlasy 2.0» aiasyndaǵy kelissózderge qaita oralýdy usynǵan bolatyn.
