Resei kúshteriniń áýe soqqysynyń nátijesinde 40-tan astam ýkrain soldaty qaza tapty, ondaǵan adam jaralandy. Ýkraina prezidenti keńsesiniń keńesshisi Aleksei Arestovich osylai dep málimdedi, dep habarlaidy Azattyq.
Ýkraina biliginiń aitýynsha, beibit azamattar arasynda on adam qaza bolǵan.
Buǵan deiin "Mediazona" Odessa oblysynda áskeri bólimge shabýyl jasalǵan kezde alty adamnyń qaza tapqanyn habarlaǵan. Mariýpolde atqylaýdyń saldarynan bir adam opat bolǵan. Herson oblysynda úsh shekarashy ólgen. Jaralanǵandar da bar. Ýmanda bir adam qaza bolyp, beseýi jaralanǵan. Harkov oblysynda atqylaý kezinde bir úi órtenip, bir bala qaza bolǵan. Jaralanǵandar da bar.
Áleýmettik jelide Kiev túbindegi Gostomel áýejaiyna áýeden kóp soqqy jasalǵany týraly videolar tarady. Sondai videolardyń birinde aerodromǵa keminde on reseilik tikushaqtyń áýeden soqqy jasaǵany kórinedi. Keminde bir tikushaq atyp túsirilgen. Biraq bul aqparat ázirge resmi túrde rastalmady.
