رەسەي كٷشتەرٸنٸڭ ەۋە سوققىسىنىڭ نەتيجەسٸندە 40-تان استام ۋكراين سولداتى قازا تاپتى, ونداعان ادام جارالاندى. ۋكراينا پرەزيدەنتٸ كەڭسەسٸنٸڭ كەڭەسشٸسٸ الەكسەي ارەستوۆيچ وسىلاي دەپ مەلٸمدەدٸ, دەپ حابارلايدى ازاتتىق.
ۋكراينا بيلٸگٸنٸڭ ايتۋىنشا, بەيبٸت ازاماتتار اراسىندا ون ادام قازا بولعان.
بۇعان دەيٸن "مەديازونا" ودەسسا وبلىسىندا ەسكەري بٶلٸمگە شابۋىل جاسالعان كەزدە التى ادامنىڭ قازا تاپقانىن حابارلاعان. ماريۋپولدە اتقىلاۋدىڭ سالدارىنان بٸر ادام وپات بولعان. حەرسون وبلىسىندا ٷش شەكاراشى ٶلگەن. جارالانعاندار دا بار. ۋماندا بٸر ادام قازا بولىپ, بەسەۋٸ جارالانعان. حاركوۆ وبلىسىندا اتقىلاۋ كەزٸندە بٸر ٷي ٶرتەنٸپ, بٸر بالا قازا بولعان. جارالانعاندار دا بار.
ەلەۋمەتتٸك جەلٸدە كيەۆ تٷبٸندەگٸ گوستومەل ەۋەجايىنا ەۋەدەن كٶپ سوققى جاسالعانى تۋرالى ۆيدەولار تارادى. سونداي ۆيدەولاردىڭ بٸرٸندە اەرودرومعا كەمٸندە ون رەسەيلٸك تٸكۇشاقتىڭ ەۋەدەن سوققى جاساعانى كٶرٸنەدٸ. كەمٸندە بٸر تٸكۇشاق اتىپ تٷسٸرٸلگەن. بٸراق بۇل اقپارات ەزٸرگە رەسمي تٷردە راستالمادى.
