Qytai men Úndistan Reseidiń Ýkraina qalalaryn zymyranmen atqylaǵanyn aiyptady, dep habarlaidy Azattyq.
10 qazanda Reseidiń áýe shabýyly saldarynan Ýkrainanyń birneshe qalasynda 14 adam ólip, júzdegen adam jaralandy, azamattyq infraqurylymy qirady.
Qytai syrtqy ister ministri barlyq eldiń egemendigi qurmettelýge tiis dep, jaǵdaidy beibit jolmen retteýge shaqyrdy. Pekin buǵan kómektesýge daiyn.
Úndistan syrtqy ister ministri Sýbrahmaniam Djaishankar da Reseidiń Ýkrainaǵa áýe shabýylyn aiyptady. Deli Resei-Ýkraina janjaly halyqaralyq qaýymdastyq múddesine de qaishy keletinin aitty.
Qytai men Úndistan Reseige ishtarta qaraityn elder qataryna jatady. Pekin men Deli Ýkraina men Resei arasyndaǵy janjaldy beibit jolmen sheshýge shaqyrǵanymen Reseige salynǵan sanktsiialarǵa qosylmai, Reseiden iri kólemde munai men ózge de energoresýrstar satyp alyp otyr.
