قىتاي مەن ٷندٸستان رەسەيدٸڭ ۋكراينا قالالارىن زىمىرانمەن اتقىلاعانىن ايىپتادى, دەپ حابارلايدى ازاتتىق.
10 قازاندا رەسەيدٸڭ ەۋە شابۋىلى سالدارىنان ۋكراينانىڭ بٸرنەشە قالاسىندا 14 ادام ٶلٸپ, جٷزدەگەن ادام جارالاندى, ازاماتتىق ينفراقۇرىلىمى قيرادى.
قىتاي سىرتقى ٸستەر مينيسترٸ بارلىق ەلدٸڭ ەگەمەندٸگٸ قۇرمەتتەلۋگە تيٸس دەپ, جاعدايدى بەيبٸت جولمەن رەتتەۋگە شاقىردى. پەكين بۇعان كٶمەكتەسۋگە دايىن.
ٷندٸستان سىرتقى ٸستەر مينيسترٸ سۋبراحمانيام دجايشانكار دا رەسەيدٸڭ ۋكرايناعا ەۋە شابۋىلىن ايىپتادى. دەلي رەسەي-ۋكراينا جانجالى حالىقارالىق قاۋىمداستىق مٷددەسٸنە دە قايشى كەلەتٸنٸن ايتتى.
قىتاي مەن ٷندٸستان رەسەيگە ٸشتارتا قارايتىن ەلدەر قاتارىنا جاتادى. پەكين مەن دەلي ۋكراينا مەن رەسەي اراسىنداعى جانجالدى بەيبٸت جولمەن شەشۋگە شاقىرعانىمەن رەسەيگە سالىنعان سانكتسييالارعا قوسىلماي, رەسەيدەن ٸرٸ كٶلەمدە مۇناي مەن ٶزگە دە ەنەرگورەسۋرستار ساتىپ الىپ وتىر.
