Foto: instagram.com/erkebulan_toktar
Tanymal akter, sportshy Erkebulan Toqtar "úkimettiń jumysyna aralaspańdar" dep aitamyn dep, basy daýǵa qaldy, dep habarlaidy Ult.kz.
"Úkimettiń jumysynda ne sharýalaryń bar?! Árkim óz jumysymen ainalysýy kerek qoi. Qoǵamdaǵy problemany qalai ózgertpekshisiń? Mysaly men óz jumysymmen ainalysamyn, basqanyń jumysynda sharýam joq. Óz jumysymdy jaqsy istesem, ómirim jaqsy bolady. Týra sondai túsinik búkil halyqta bolýy kerek. Úkimettiń jumysyna kóńilim tola ma, tolmai ma – aita almaimyn. Men óz jumysyma qatysty aita alamyn. Ózimniń jumysyma kóńilim tolady. Eńbektenemin, tańerteń turamyn, jumys isteimin. Sol kezde jaqsy jaǵdai jasap, ómir súremin", — dedi akter.
Alaida akterdiń bul pikiri jeli qoldanýshylarynyń synyna qaldy. Olar "Úkimet elge qyzmet jasaýy kerek", "Qazaqstannyń bolashaǵy qyzyq emes dep tur ǵoi", "Úkimettiń jumysyna halyqtyń qatysy bar, jer bailyǵy haldyqtyń menshigi", dese, olardyń arasynda "Mynaý ákim, depýtat bolatyn bala ǵoi", dep mysqyldaǵandary da bar.
Alaida azamattardyń arasynda kei biri Erkebulan Toqtardy jaqtap, "akter durys aitady", "bul saiasatker emes, sportshy" dep jatqandary da tabyldy.
https://www.tiktok.com/@ult.kz/video/7559616952776314124?_r=1&_t=ZM-90VeBxFhvbw
Kóp uzamai akter óz áleýmettik jelidegi paraqshasynda beinejazba jariialap, qoǵamda qyzý talqylanǵan pikirine túsinikteme berdi.
"Jýrnalist toqtatyp, suraq qoidy. Men sol saýalǵa jaýap berip, jeke kózqarasymdy bildirdim. Árkim óz pikirin jazdy — jaqsy da, syn pikirler de boldy. Kópshiligi meni “úkimetten qorqady” dep aiyptady. Biraq men memlekettik qyzmette emespin, úkimet qarjysyna túsiriletin filmderge qatyspaimyn, sondai-aq memlekettiń aqshasyn alyp otyrǵan joqpyn. Sondyqtan bilikten qorqýymnyń jóni joq. Eger shyn qoryqqan bolsam, jurtqa unaityn nárseni ǵana aitar edim. Al men óz azamattyq ustanymymdy ashyq jetkizdim", — dedi akter.
Onyń aitýynsha, máseleni kiná artýdan góri, óz deńgeiinde sheshýge tyrysý mańyzdy.
"Bireýdi jazǵyryp, ekinshisin kinálaýdyń ornyna, ózim ózgerte alatyn dúniege kóńil bólemin. Eger jol erejesin buzbasań, aiyppul tólemeisiń. Sol siiaqty men de bilmeitin nársege aralaspaimyn, ózim túsinetin ispen ainalysamyn. Ózgerte alatyn nárseni ǵana ózgertýge tyrysyp júrmin", — dep túiindedi kinojuldyz.
