فوتو: instagram.com/erkebulan_toktar
تانىمال اكتەر, سپورتشى ەركەبۇلان توقتار "ٷكٸمەتتٸڭ جۇمىسىنا ارالاسپاڭدار" دەپ ايتامىن دەپ, باسى داۋعا قالدى, دەپ حابارلايدى Ult.kz.
"ٷكٸمەتتٸڭ جۇمىسىندا نە شارۋالارىڭ بار?! ەركٸم ٶز جۇمىسىمەن اينالىسۋى كەرەك قوي. قوعامداعى پروبلەمانى قالاي ٶزگەرتپەكشٸسٸڭ? مىسالى مەن ٶز جۇمىسىممەن اينالىسامىن, باسقانىڭ جۇمىسىندا شارۋام جوق. ٶز جۇمىسىمدى جاقسى ٸستەسەم, ٶمٸرٸم جاقسى بولادى. تۋرا سونداي تٷسٸنٸك بٷكٸل حالىقتا بولۋى كەرەك. ٷكٸمەتتٸڭ جۇمىسىنا كٶڭٸلٸم تولا ما, تولماي ما – ايتا المايمىن. مەن ٶز جۇمىسىما قاتىستى ايتا الامىن. ٶزٸمنٸڭ جۇمىسىما كٶڭٸلٸم تولادى. ەڭبەكتەنەمٸن, تاڭەرتەڭ تۇرامىن, جۇمىس ٸستەيمٸن. سول كەزدە جاقسى جاعداي جاساپ, ٶمٸر سٷرەمٸن", — دەدٸ اكتەر.
الايدا اكتەردٸڭ بۇل پٸكٸرٸ جەلٸ قولدانۋشىلارىنىڭ سىنىنا قالدى. ولار "ٷكٸمەت ەلگە قىزمەت جاساۋى كەرەك", "قازاقستاننىڭ بولاشاعى قىزىق ەمەس دەپ تۇر عوي", "ٷكٸمەتتٸڭ جۇمىسىنا حالىقتىڭ قاتىسى بار, جەر بايلىعى حالدىقتىڭ مەنشٸگٸ", دەسە, ولاردىڭ اراسىندا "مىناۋ ەكٸم, دەپۋتات بولاتىن بالا عوي", دەپ مىسقىلداعاندارى دا بار.
الايدا ازاماتتاردىڭ اراسىندا كەي بٸرٸ ەركەبۇلان توقتاردى جاقتاپ, "اكتەر دۇرىس ايتادى", "بۇل ساياساتكەر ەمەس, سپورتشى" دەپ جاتقاندارى دا تابىلدى.
https://www.tiktok.com/@ult.kz/video/7559616952776314124?_r=1&_t=ZM-90VeBxFhvbw
كٶپ ۇزاماي اكتەر ٶز ەلەۋمەتتٸك جەلٸدەگٸ پاراقشاسىندا بەينەجازبا جارييالاپ, قوعامدا قىزۋ تالقىلانعان پٸكٸرٸنە تٷسٸنٸكتەمە بەردٸ.
"جۋرناليست توقتاتىپ, سۇراق قويدى. مەن سول ساۋالعا جاۋاپ بەرٸپ, جەكە كٶزقاراسىمدى بٸلدٸردٸم. ەركٸم ٶز پٸكٸرٸن جازدى — جاقسى دا, سىن پٸكٸرلەر دە بولدى. كٶپشٸلٸگٸ مەنٸ “ٷكٸمەتتەن قورقادى” دەپ ايىپتادى. بٸراق مەن مەملەكەتتٸك قىزمەتتە ەمەسپٸن, ٷكٸمەت قارجىسىنا تٷسٸرٸلەتٸن فيلمدەرگە قاتىسپايمىن, سونداي-اق مەملەكەتتٸڭ اقشاسىن الىپ وتىرعان جوقپىن. سوندىقتان بيلٸكتەن قورقۋىمنىڭ جٶنٸ جوق. ەگەر شىن قورىققان بولسام, جۇرتقا ۇنايتىن نەرسەنٸ عانا ايتار ەدٸم. ال مەن ٶز ازاماتتىق ۇستانىمىمدى اشىق جەتكٸزدٸم", — دەدٸ اكتەر.
ونىڭ ايتۋىنشا, مەسەلەنٸ كٸنە ارتۋدان گٶرٸ, ٶز دەڭگەيٸندە شەشۋگە تىرىسۋ ماڭىزدى.
"بٸرەۋدٸ جازعىرىپ, ەكٸنشٸسٸن كٸنەلاۋدىڭ ورنىنا, ٶزٸم ٶزگەرتە الاتىن دٷنيەگە كٶڭٸل بٶلەمٸن. ەگەر جول ەرەجەسٸن بۇزباساڭ, ايىپپۇل تٶلەمەيسٸڭ. سول سيياقتى مەن دە بٸلمەيتٸن نەرسەگە ارالاسپايمىن, ٶزٸم تٷسٸنەتٸن ٸسپەن اينالىسامىن. ٶزگەرتە الاتىن نەرسەنٸ عانا ٶزگەرتۋگە تىرىسىپ جٷرمٸن", — دەپ تٷيٸندەدٸ كينوجۇلدىز.
