Búgin Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev 2020 jyly atqarylǵan jumystardy baiandady, dep habarlaidy QazAqparat
«Koronavirýs pandemiiasynan týyndaǵan buryn-sońdy bolmaǵan daǵdarys jaǵdaiynda Ulttyq bank Úkimetpen jáne Qarjy naryǵyn retteý jáne damytý agenttigimen birlesip makroekonomikalyq turaqtylyqty qamtamasyz etý jáne Siz (Memleket basshysy) qoiǵan mindetterge qol jetkizý úshin ýaqytyly sharalar qabyldady», - dedi E. Dosaev.
2020 jyly Ulttyq banktiń negizgi kúsh-jigeri kelesi maqsattarǵa qol jetkizýge baǵyttaldy:
1. Aqsha-kredit saiasaty infliatsiianyń ósýin belgilegen 8-8,5% deńgeiiniń sheginde ustap turýǵa baǵyttaldy. 2020 jyldyń qorytyndysy boiynsha infliatsiia 7,5% boldy.
2. Ulttyq bank valiýta naryǵynda turaqtylyqty qamtamasyz etti. Teńgedegi aktivterdi qorǵaý maqsatynda alypsatarlyqqa jol bermeý jáne shetel valiýtasynyń usynysyn qoldaý boiynsha sharalar kesheni qabyldandy.
«Úshinshiden, Ulttyq bank qarjy naryǵyn damytýǵa járdem kórsetti. Úkimetpen birlesip aqsha naryǵyndaǵy artyq ótimdilik biýdjet tapshylyǵyn qarjylandyrýǵa baǵyttaldy. Bul rette memlekettik baǵaly qaǵazdar shyǵarylymdaryndaǵy naryq qatysýshylarynyń úlesi 3,8%-ten 32,7%-ke deiin ulǵaidy», - dedi UB basshysy.
Onyń aitýynsha, Prezidenttiń ekonomikalyq belsendilikti qoldaý boiynsha daǵdarysqa qarsy bastamalaryn iske asyrý úshin Ulttyq bank 2,3 trln teńgege daǵdarysqa qarsy sharalardy qarjylandyrdy, bul daǵdarysqa qarsy jalpy qarjynyń 50%-ten astamyn quraidy.
«2020 jyly joǵary naryqtyq qubylmalylyqqa qaramastan, Ulttyq banktiń basqarýymen aktivterdiń joǵary kiristiligi qamtamasyz etildi. Ulttyq qordyń kiristiligi 7,6%, zeinetaqy aktivteriniń kiristiligi - 10,9% boldy, bul infliatsiiadan 3,4%-ǵe joǵary», - dedi E. Dosaev.
