بٷگٸن ٷكٸمەتتٸڭ كەڭەيتٸلگەن قۇرامداعى وتىرىسىندا ۇلتتىق بانك تٶراعاسى ەربولات دوساەۆ 2020 جىلى اتقارىلعان جۇمىستاردى باياندادى, دەپ حابارلايدى قازاقپارات
«كوروناۆيرۋس پاندەميياسىنان تۋىنداعان بۇرىن-سوڭدى بولماعان داعدارىس جاعدايىندا ۇلتتىق بانك ٷكٸمەتپەن جەنە قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسٸپ ماكروەكونوميكالىق تۇراقتىلىقتى قامتاماسىز ەتۋ جەنە سٸز (مەملەكەت باسشىسى) قويعان مٸندەتتەرگە قول جەتكٸزۋ ٷشٸن ۋاقىتىلى شارالار قابىلدادى», - دەدٸ ە. دوساەۆ.
2020 جىلى ۇلتتىق بانكتٸڭ نەگٸزگٸ كٷش-جٸگەرٸ كەلەسٸ ماقساتتارعا قول جەتكٸزۋگە باعىتتالدى:
1. اقشا-كرەديت ساياساتى ينفلياتسييانىڭ ٶسۋٸن بەلگٸلەگەن 8-8,5% دەڭگەيٸنٸڭ شەگٸندە ۇستاپ تۇرۋعا باعىتتالدى. 2020 جىلدىڭ قورىتىندىسى بويىنشا ينفلياتسييا 7,5% بولدى.
2. ۇلتتىق بانك ۆاليۋتا نارىعىندا تۇراقتىلىقتى قامتاماسىز ەتتٸ. تەڭگەدەگٸ اكتيۆتەردٸ قورعاۋ ماقساتىندا الىپساتارلىققا جول بەرمەۋ جەنە شەتەل ۆاليۋتاسىنىڭ ۇسىنىسىن قولداۋ بويىنشا شارالار كەشەنٸ قابىلداندى.
«ٷشٸنشٸدەن, ۇلتتىق بانك قارجى نارىعىن دامىتۋعا جەردەم كٶرسەتتٸ. ٷكٸمەتپەن بٸرلەسٸپ اقشا نارىعىنداعى ارتىق ٶتٸمدٸلٸك بيۋدجەت تاپشىلىعىن قارجىلاندىرۋعا باعىتتالدى. بۇل رەتتە مەملەكەتتٸك باعالى قاعازدار شىعارىلىمدارىنداعى نارىق قاتىسۋشىلارىنىڭ ٷلەسٸ 3,8%-تەن 32,7%-كە دەيٸن ۇلعايدى», - دەدٸ ۇب باسشىسى.
ونىڭ ايتۋىنشا, پرەزيدەنتتٸڭ ەكونوميكالىق بەلسەندٸلٸكتٸ قولداۋ بويىنشا داعدارىسقا قارسى باستامالارىن ٸسكە اسىرۋ ٷشٸن ۇلتتىق بانك 2,3 ترلن تەڭگەگە داعدارىسقا قارسى شارالاردى قارجىلاندىردى, بۇل داعدارىسقا قارسى جالپى قارجىنىڭ 50%-تەن استامىن قۇرايدى.
«2020 جىلى جوعارى نارىقتىق قۇبىلمالىلىققا قاراماستان, ۇلتتىق بانكتٸڭ باسقارۋىمەن اكتيۆتەردٸڭ جوعارى كٸرٸستٸلٸگٸ قامتاماسىز ەتٸلدٸ. ۇلتتىق قوردىڭ كٸرٸستٸلٸگٸ 7,6%, زەينەتاقى اكتيۆتەرٸنٸڭ كٸرٸستٸلٸگٸ - 10,9% بولدى, بۇل ينفلياتسييادان 3,4%-عە جوعارى», - دەدٸ ە. دوساەۆ.
