Búgin Úkimet otyrysy barysynda QR Premer-Ministri Baqytjan Saǵyntaev Memleket basshysynyń eskertýlerine sáikes «Tsifrlyq Qazaqstan» memlekettik baǵdarlamasynyń jobasyn jetildirý boiynsha birqatar naqty tapsyrmalar berdi, dep habarlaidy "Ult aqparat".
Respýblikalyq biýdjetten qarjylandyrylatyn is-sharalar boiynsha Baqytjan Saǵyntaev «Alataý» ITP men Halyqaralyq AT-tehnoparki qyzmeti boiynsha qosa alǵanda, investitsiialardyń áseri men qaitarýyn esepteýdi tapsyrdy. AKM-ge ulttyq ekonomika jáne qarjy ministrlikterimen, basqa da múddeli memlekettik organdarmen jáne ákimdiktermen birge eki aptalyq merzimde «Tsifrlyq Qazaqstan» baǵdarlamasynyń áleýmettik jáne ekonomikalyq áserin jáne onyń JIÓ ósimine áserin usynýdy tapsyrdy.
QR Bilim jáne ǵylym ministrligine eki aptalyq merzimde bilim berýdiń qazirgi júiesin qaita qaraý jáne úzdiksiz oqytýǵa kóshý boiynsha naqty usynystar engizý tapsyryldy. Sondai-aq, bilim jáne ǵylym, aqparat jáne kommýnikatsiialar, investitsiialar jáne damý ministrlikterine eki aptanyń ishinde «Alataý» ITP, «Nazarbaev Ýniversitet», qurylyp jatqan Halyqaralyq AT-tehnoparki siiaqty ǵylymi-zertteý institýttary men joǵary oqý oryndarynyń, innovatsiialyq klasterlerdiń bazasynda quzyretter ortalyqtaryn qurý jáne damytý boiynsha usynystar engizý tapsyryldy.
Budan ózge, QR AKM, IDM jáne BǴM-ge jańa tehnologiialardy, innovatsiialyq sheshimder ázirlemelerin paidalanýdy, startap ortany damytýdy yntalandyrý úshin jáne tsifrlyq ekonomikada forsaitty uiymdastyrý boiynsha zańnamaǵa ózgerister jóninde usynystar engizý tapsyryldy.
Barlyq azamattar tsifrlandyrý protsesterin túsinýi úshin Aqparat jáne kommýnikatsiialar ministrligine memlekettik organdarmen birge sáikes PR-strategiiany ázirleý tapsyryldy.
Oǵan qosa, Aqparat jáne kommýnikatsiialar ministrligine barlyq oblys ortalyqtaryna qoldanylatyn Astana, Almaty, Shymkent jáne Aqtóbe tipi boiynsha «aqyldy qalalardyń» tiptik tujyrymdamasyn qalyptastyrý tapsyryldy.
Aqparat jáne kommýnikatsiialar ministrligine 1 qazanǵa deiin Resei jáne Belarýspen tsifrlandyrý salasyndaǵy birlesken jumys boiynsha sáikes usynystar engizý tapsyryldy.
Baqytjan Saǵyntaev «Tsifrlyq Qazaqstan» baǵdarlamasynyń barlyq máselelerin pysyqtaýdy jáne ony biyl qarashanyń sońyna deiin Úkimettiń qaraýyna engizýdi tapsyrdy. Bul jumysty úilestirý QR Premer-Ministriniń orynbasary Asqar Jumaǵalievke júkteldi.
Eske salsaq, 13 qyrkúiekte Memleket basshysynyń qatysýymen ekonomikany tsifrlandyrý máseleleri jóninde Respýblikalyq keńes ótti, onda «Tsifrlyq Qazaqstan» baǵdarlamasynyń jobasy tanystyryldy. Keńes barysynda Nursultan Nazarbaev birqatar eskertýler aitty jáne QR Úkimetine baǵdarlama jobasyna sáikes tolyqtyrýlar engizýdi tapsyrdy.
.jpeg)