Foto: gastronom.ru
Vitse-premer – saýda jáne integratsiia ministri Serik Jumanǵarin jumyrtqa baǵasy nege ósip jatqanyn túsindirdi, dep habarlaidy Sputnik Qazaqstan.
Ministrdiń aitýynsha, qazir on dana jumyrtqanyń baǵasy 600 teńgeden asady.
"Qazir bizdi alańdatyp otyrǵan jalǵyz másele – jumyrtqa baǵasynyń ósýi. Biz qazir munymen jumys istep jatyrmyz. Jumyrtqa qatty qymbattap barady. Biz taldaý júrgizdik, jergilikti jerlerde quramyna birqatar memlekettik organ kirgen komissiialar quryldy", - dedi Jumanǵarin úkimette ótken brifingte.
Ministrdiń aitýynsha, qus fabrikalarynyń bári deldal arqyly jumys isteidi. Olardyń kóbi – jeke tulǵalar.
"Bul túsinikti de, óitkeni olar jumyrtqa úshin keshti birden tóleidi. Al sodan keiin shema bastalady. Qazir munymen monopoliiaǵa qarsy komitet ainalysyp jatyr. Biraq bul uzaq ýaqytty alady", - dedi vitse-premer.
Jumanǵarinniń aitýynsha, jumyrtqa áleýmettik-kásipkerlik korporatsiialary qus fabrikalarynan tikelei satyp alýǵa tiis taýarlar tizimine engizildi. Iaǵni áleýmettik-kásipkerlik korporatsiialary qus fabrikalarynan jumyrtqany aqsha tólep, tikelei satyp alady.
