فوتو: gastronom.ru
ۆيتسە-پرەمەر – ساۋدا جەنە ينتەگراتسييا مينيسترٸ سەرٸك جۇمانعارين جۇمىرتقا باعاسى نەگە ٶسٸپ جاتقانىن تٷسٸندٸردٸ, دەپ حابارلايدى Sputnik قازاقستان.
مينيستردٸڭ ايتۋىنشا, قازٸر ون دانا جۇمىرتقانىڭ باعاسى 600 تەڭگەدەن اسادى.
"قازٸر بٸزدٸ الاڭداتىپ وتىرعان جالعىز مەسەلە – جۇمىرتقا باعاسىنىڭ ٶسۋٸ. بٸز قازٸر مۇنىمەن جۇمىس ٸستەپ جاتىرمىز. جۇمىرتقا قاتتى قىمباتتاپ بارادى. بٸز تالداۋ جٷرگٸزدٸك, جەرگٸلٸكتٸ جەرلەردە قۇرامىنا بٸرقاتار مەملەكەتتٸك ورگان كٸرگەن كوميسسييالار قۇرىلدى", - دەدٸ جۇمانعارين ٷكٸمەتتە ٶتكەن بريفينگتە.
مينيستردٸڭ ايتۋىنشا, قۇس فابريكالارىنىڭ بەرٸ دەلدال ارقىلى جۇمىس ٸستەيدٸ. ولاردىڭ كٶبٸ – جەكە تۇلعالار.
"بۇل تٷسٸنٸكتٸ دە, ٶيتكەنٸ ولار جۇمىرتقا ٷشٸن كەشتٸ بٸردەن تٶلەيدٸ. ال سودان كەيٸن سحەما باستالادى. قازٸر مۇنىمەن مونوپوليياعا قارسى كوميتەت اينالىسىپ جاتىر. بٸراق بۇل ۇزاق ۋاقىتتى الادى", - دەدٸ ۆيتسە-پرەمەر.
جۇمانعاريننٸڭ ايتۋىنشا, جۇمىرتقا ەلەۋمەتتٸك-كەسٸپكەرلٸك كورپوراتسييالارى قۇس فابريكالارىنان تٸكەلەي ساتىپ الۋعا تيٸس تاۋارلار تٸزٸمٸنە ەنگٸزٸلدٸ. ياعني ەلەۋمەتتٸك-كەسٸپكەرلٸك كورپوراتسييالارى قۇس فابريكالارىنان جۇمىرتقانى اقشا تٶلەپ, تٸكەلەي ساتىپ الادى.
