Úkimet rezervi arqyly otandyq jáne sheteldik taýar óndirýshilerden taǵy 1,2 mln PTR-test júiesi satyp alynady, dep habarlaidy QazAqparat.
«Osy jyldyń naýryz aiynan beri Qytaidan jalpy somasy 3 mlrd teńgege 696 myń test-júiesi satyp alyndy. Búginge deiin Qazaqstan aýmaǵynda 1 mln 700 myń zertteý júrgizildi (PTR-test). Onyń 971 myń zertteýi Ulttyq saraptama ortalyǵynda jasaldy. Qalǵan testter jeke meditsinalyq uiymdar men meditsinalyq uiymdardyń zerthanalarynda alyndy», - dedi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev OKQ-da ótken baspasóz máslihatynda.
Komitet tóraǵasy qazirgi ýaqytta otandyq taýar óndirýshilerden de, shetelden de test-júielerin satyp alý kózdelip otyrǵanyn atap ótti.
«Ulttyq saraptama ortalyǵynyń barlyq filialynda otandyq taýar óndirýshilerdiń test-júiesin qoldaný kózdelýde. Úkimettiń rezervi aiasynda 1,2 mln zertteý júrgizý úshin test-júielerin satyp alý josparlanǵan. Otandyq bolsyn,
