ٷكٸمەت رەزەرۆٸ ارقىلى وتاندىق جەنە شەتەلدٸك تاۋار ٶندٸرۋشٸلەردەن تاعى 1,2 ملن پتر-تەست جٷيەسٸ ساتىپ الىنادى, دەپ حابارلايدى قازاقپارات.
«وسى جىلدىڭ ناۋرىز ايىنان بەرٸ قىتايدان جالپى سوماسى 3 ملرد تەڭگەگە 696 مىڭ تەست-جٷيەسٸ ساتىپ الىندى. بٷگٸنگە دەيٸن قازاقستان اۋماعىندا 1 ملن 700 مىڭ زەرتتەۋ جٷرگٸزٸلدٸ (پتر-تەست). ونىڭ 971 مىڭ زەرتتەۋٸ ۇلتتىق ساراپتاما ورتالىعىندا جاسالدى. قالعان تەستتەر جەكە مەديتسينالىق ۇيىمدار مەن مەديتسينالىق ۇيىمداردىڭ زەرتحانالارىندا الىندى», - دەدٸ قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ وكق-دا ٶتكەن باسپاسٶز مەسليحاتىندا.
كوميتەت تٶراعاسى قازٸرگٸ ۋاقىتتا وتاندىق تاۋار ٶندٸرۋشٸلەردەن دە, شەتەلدەن دە تەست-جٷيەلەرٸن ساتىپ الۋ كٶزدەلٸپ وتىرعانىن اتاپ ٶتتٸ.
«ۇلتتىق ساراپتاما ورتالىعىنىڭ بارلىق فيليالىندا وتاندىق تاۋار ٶندٸرۋشٸلەردٸڭ تەست-جٷيەسٸن قولدانۋ كٶزدەلۋدە. ٷكٸمەتتٸڭ رەزەرۆٸ اياسىندا 1,2 ملن زەرتتەۋ جٷرگٸزۋ ٷشٸن تەست-جٷيەلەرٸن ساتىپ الۋ جوسپارلانعان. وتاندىق بولسىن,
