Foto: Pexels.com
Tótenshe jaǵdailar vitse-ministri general-maior Kegen Tursynbaev órt qaýipti maýsymǵa daiyndyq jáne eldegi sý tasqyny jaǵdaiyna den qoiý boiynsha qabyldanyp jatqan sharalar týraly baiandady, dep habarlaidy Ult.kz.
- Aldyn alý is-sharalarynyń kesheni ázirlenip, iske asyrylýda;
- Vedomstvoaralyq jospar bekitildi, shekara mańyndaǵy memlekettermen ózara is-qimyldy qosa alǵanda, tabiǵi órtterge den qoiý algoritmderi túzetildi;
- Óńirlerde aýmaqtardy tazartý jáne jyrtý jumystary júrgizilýde, ormandy dala alqaptarynda profilaktikalyq jumystar jandandyryldy;
- Órt qaýipsizdigi talaptarynyń 475 buzýshylyǵy anyqtaldy;
- «Orman» jáne «Tabiǵat» aqparattyq júieleri, orman sharýashylyqtarynyń beinebaqylaý derekteri, kosmomonitoring jáne GIS ChS arqyly órt jaǵdaiyna monitoring júrgiziletin bolady;
- TJM Komandalyq ortalyǵynda táýlik boiy jedel top jumys isteidi;
- TJM áýe toptamasy kúsheitildi, orman alqaby bar óńirlerde áýe kemeleri kezekshilik etedi;
- Ushqyshsyz ushý apparattary qoldanylady. Kúndelikti aerovizýaldy ushýlar josparlanǵan.
Oljas Bektenov órtke qarsy jumysty uiymdastyrý boiynsha birqatar tapsyrma berdi.
➤ Tótenshe jaǵdailar ministrligine Ekologiia ministrligimen jáne basqa da múddeli memlekettik organdarmen birlesip, mamyr aiynyń sońyna deiin tabiǵi órtke qarsy respýblikalyq komandalyq-shtabtyq oqý-jattyǵýlardy uiymdastyrý jáne ótkizý tapsyryldy;
➤ Ekologiia ministrliginiń aldyna ákimdiktermen birge tabiǵat qorǵaý jáne orman sharýashylyǵy mekemelerin odan ári jaraqtandyrý jumystaryn jalǵastyrý mindeti qoiyldy;
➤ Ekologiia jáne tabiǵi resýrstar ministrligi ákimdiktermen, tsifrlyq damý, innovatsiialar jáne aeroǵarysh ónerkásibi ministrligimen jáne «Qazaqtelekom» kompaniiasymen birlesip, órtti erte anyqtaý jáne órshý jaǵdaiyn, sondai-aq ony sóndirý algoritmderin modeldeý júieleriniń qamtý aýqymyn ulǵaitý;
➤ Ákimdikter eldi mekenderde órt sóndirý beketteri men erikti órtke qarsy qurylymdardy uiymdastyrý jónindegi jumysty jalǵastyrýy, óńirlerde aviatsiiany tartý úshin janar-jaǵarmai materialdarynyń qajetti qoryn qamtamasyz etýi, biyl 10 mamyrǵa deiin órt sóndirý kólikteri men tikushaqtarǵa qajetti sý kózderin daiyndaýy qajet;
➤ órt qaýpi joǵary kezeńde ishki ister ministrligine demalýshylardyń ormanda bolýyna tyiym salý jóninde sharalar qabyldaý tapsyryldy;
➤ Tótenshe jaǵdailar, ekologiia jáne tabiǵi resýrstar, mádeniet jáne aqparat ministrlikteri, ákimdikter – órt qaýipsizdigi talaptaryn saqtaý máselesi boiynsha halyq arasynda túsindirý jumystaryn jandandyrsyn.
