فوتو: Pexels.com
تٶتەنشە جاعدايلار ۆيتسە-مينيسترٸ گەنەرال-مايور كەگەن تۇرسىنباەۆ ٶرت قاۋٸپتٸ ماۋسىمعا دايىندىق جەنە ەلدەگٸ سۋ تاسقىنى جاعدايىنا دەن قويۋ بويىنشا قابىلدانىپ جاتقان شارالار تۋرالى باياندادى, دەپ حابارلايدى Ult.kz.
- الدىن الۋ ٸس-شارالارىنىڭ كەشەنٸ ەزٸرلەنٸپ, ٸسكە اسىرىلۋدا;
- ۆەدومستۆوارالىق جوسپار بەكٸتٸلدٸ, شەكارا ماڭىنداعى مەملەكەتتەرمەن ٶزارا ٸس-قيمىلدى قوسا العاندا, تابيعي ٶرتتەرگە دەن قويۋ الگوريتمدەرٸ تٷزەتٸلدٸ;
- ٶڭٸرلەردە اۋماقتاردى تازارتۋ جەنە جىرتۋ جۇمىستارى جٷرگٸزٸلۋدە, ورماندى دالا القاپتارىندا پروفيلاكتيكالىق جۇمىستار جانداندىرىلدى;
- ٶرت قاۋٸپسٸزدٸگٸ تالاپتارىنىڭ 475 بۇزۋشىلىعى انىقتالدى;
- «ورمان» جەنە «تابيعات» اقپاراتتىق جٷيەلەرٸ, ورمان شارۋاشىلىقتارىنىڭ بەينەباقىلاۋ دەرەكتەرٸ, كوسمومونيتورينگ جەنە گيس چس ارقىلى ٶرت جاعدايىنا مونيتورينگ جٷرگٸزٸلەتٸن بولادى;
- تجم كوماندالىق ورتالىعىندا تەۋلٸك بويى جەدەل توپ جۇمىس ٸستەيدٸ;
- تجم ەۋە توپتاماسى كٷشەيتٸلدٸ, ورمان القابى بار ٶڭٸرلەردە ەۋە كەمەلەرٸ كەزەكشٸلٸك ەتەدٸ;
- ۇشقىشسىز ۇشۋ اپپاراتتارى قولدانىلادى. كٷندەلٸكتٸ اەروۆيزۋالدى ۇشۋلار جوسپارلانعان.
ولجاس بەكتەنوۆ ٶرتكە قارسى جۇمىستى ۇيىمداستىرۋ بويىنشا بٸرقاتار تاپسىرما بەردٸ.
➤ تٶتەنشە جاعدايلار مينيسترلٸگٸنە ەكولوگييا مينيسترلٸگٸمەن جەنە باسقا دا مٷددەلٸ مەملەكەتتٸك ورگاندارمەن بٸرلەسٸپ, مامىر ايىنىڭ سوڭىنا دەيٸن تابيعي ٶرتكە قارسى رەسپۋبليكالىق كوماندالىق-شتابتىق وقۋ-جاتتىعۋلاردى ۇيىمداستىرۋ جەنە ٶتكٸزۋ تاپسىرىلدى;
➤ ەكولوگييا مينيسترلٸگٸنٸڭ الدىنا ەكٸمدٸكتەرمەن بٸرگە تابيعات قورعاۋ جەنە ورمان شارۋاشىلىعى مەكەمەلەرٸن ودان ەرٸ جاراقتاندىرۋ جۇمىستارىن جالعاستىرۋ مٸندەتٸ قويىلدى;
➤ ەكولوگييا جەنە تابيعي رەسۋرستار مينيسترلٸگٸ ەكٸمدٸكتەرمەن, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸمەن جەنە «قازاقتەلەكوم» كومپانيياسىمەن بٸرلەسٸپ, ٶرتتٸ ەرتە انىقتاۋ جەنە ٶرشۋ جاعدايىن, سونداي-اق ونى سٶندٸرۋ الگوريتمدەرٸن مودەلدەۋ جٷيەلەرٸنٸڭ قامتۋ اۋقىمىن ۇلعايتۋ;
➤ ەكٸمدٸكتەر ەلدٸ مەكەندەردە ٶرت سٶندٸرۋ بەكەتتەرٸ مەن ەرٸكتٸ ٶرتكە قارسى قۇرىلىمداردى ۇيىمداستىرۋ جٶنٸندەگٸ جۇمىستى جالعاستىرۋى, ٶڭٸرلەردە اۆياتسييانى تارتۋ ٷشٸن جانار-جاعارماي ماتەريالدارىنىڭ قاجەتتٸ قورىن قامتاماسىز ەتۋٸ, بيىل 10 مامىرعا دەيٸن ٶرت سٶندٸرۋ كٶلٸكتەرٸ مەن تٸكۇشاقتارعا قاجەتتٸ سۋ كٶزدەرٸن دايىنداۋى قاجەت;
➤ ٶرت قاۋپٸ جوعارى كەزەڭدە ٸشكٸ ٸستەر مينيسترلٸگٸنە دەمالۋشىلاردىڭ ورماندا بولۋىنا تىيىم سالۋ جٶنٸندە شارالار قابىلداۋ تاپسىرىلدى;
➤ تٶتەنشە جاعدايلار, ەكولوگييا جەنە تابيعي رەسۋرستار, مەدەنيەت جەنە اقپارات مينيسترلٸكتەرٸ, ەكٸمدٸكتەر – ٶرت قاۋٸپسٸزدٸگٸ تالاپتارىن ساقتاۋ مەسەلەسٸ بويىنشا حالىق اراسىندا تٷسٸندٸرۋ جۇمىستارىن جانداندىرسىن.
