«Atameken» Ulttyq kásipkerler palatasy Prezident Qasym-Jomart Toqaevtyń tapsyrmasyna sáikes, úkimettik komissiianyń otyrysynda 2022 jylǵy qańtardaǵy jekelegen óńirlerdegi tártipsizdik saldarynan shaǵyn jáne orta kásipkerlik sýbektilerine keltirilgen múliktik zalaldy óteý tetigin bekitti, dep habarlaidy QazAqparat.
Palata málimetinshe, jekelegen óńirlerdegi tártipsizdikter saldarynan keltirilgen zalaldy joiý máseleleri jónindegi komissiiaǵa Premer-Ministrdiń birinshi orynbasary Roman Skliar tóraǵalyq etedi.
Zardap shekken kásipkerler keltirilgen zalaldy óteýge ótinimdi barlyq qajetti qujatty qosa, ETsQ arqyly InfoKazakhstan.kz platformasynda beredi. Keshke deiin InfoKazakhstan.kz saitynda elektron ótinishti toltyrý jáne qajetti qujattardy júkteý boiynsha egjei-tegjei nusqaýlyq jariialanady.
Kásipkerler zardap shekken aimaqtarda Óńirlik komissiialar qurylady. Olardyń quramyna ákimdik, máslihat, óńirlik kásipkerler palatalary jáne qoǵamdyq birlestikterdiń ókilderi kiredi. Óńirlik komissiialar zalaldy óteý týraly ótinishterdi kúntizbelik 5 kún ishinde qaraidy jáne maquldaǵan jaǵdaida, usynylǵan málimetter men qujattar negizinde óńirlik komissiia aiqyndaityn mólsherde qarajat bólý týraly sheshim shyǵarylady.
Qarjy Qazaqstan Respýblikasynyń biýdjettik rásimderine sáikes múlik iesiniń ótinishinde kórsetilgen aǵymdaǵy nemese jinaq shotyna tiisti sheshim qabyldanǵan kúnnen bastap bir ai ishinde ótinish berýshige aýdarylady dep boljanady.
Óteý somasy múliktik zalaldyń 3 túri boiynsha esepteledi:
1) búlingen jyljymaityn múlik boiynsha: Qazaqstan Respýblikasynyń sáýlet, qala qurylysy jáne qurylys qyzmeti salasyndaǵy zańnamasyna sáikes ázirlengen, ony qalpyna keltirýge arnalǵan shyǵyndardyń smetasymen nemese kalkýliatsiiasymen rastalatyn, búlingen jyljymaityn múlikti qalpyna keltirýge (jóndeýge) arnalǵan shyǵystar esepteledi.
2) búlingen nemese joiylǵan jyljymaly múlik jáne (nemese) taýar-materialdyq qundylyq boiynsha: óteýge beriletin soma ákimdik nemese qor aiqyndaityn baǵalaý jáne aýditorlyq kompaniialar daiyndaǵan baǵalaý týraly esep (akt) negizge alyna otyryp esepteledi.
3) joǵalǵan (urlanǵan) taýar-materialdyq qundylyq jáne jabdyq boiynsha: joǵalǵan (urlanǵan) taýar-materialdyq qundylyqtar men jabdyqtardy óteý somasyn esepteý kásipkerlik sýbektiniń 2021 jylǵy ortasha ailyq ainalymy negizinde mehanizmmen belgilengen koeffitsientke kóbeitilip júrgiziledi.
Múlikke baǵalaý nemese aýdit júrgizýge, búlingen múlikti qalpyna keltirýge smetalar jasaýǵa jáne shyǵyndardy kalkýliatsiialaýǵa bailanysty qyzmetterge aqy tóleý ákimdiktiń nemese «Kúshimiz birlikte» qorynyń qarajaty esebinen júzege asyrylatynyn atap ótken jón.
Bul rette, eger kásipker óńirlik komissiia aiqyndaityn óteý somasymen kelispese, onda ol Qazaqstan Respýblikasynyń Qylmystyq-protsestik kodeksine sáikes sot-býhgalterlik, sot-taýartaný nemese sot-qurylys saraptamasy belgileitin naqty keltirilgen zalal boiynsha zalal somasyn óteýdi talap etýge quqyly.
Bul tetik 2023 jylǵy 1 qańtarǵa deiin qoldanysta bolady.
2022 jylǵy 4-20 qańtar aralyǵynda UKP 1432 call-ortalyǵyna 10437 qońyraý, onyń ishinde tonaý máseleleri boiynsha – 2308, fors-major týraly kýálik boiynsha – 536, blok beketterden ótý boiynsha – 2, zardap shekken kásipkerlerdi qoldaý qory – 33, biznesti qaita bastaý jáne zalaldy baǵalaý boiynsha – 1017, jeke tulǵalardyń qońyraýy boiynsha – 2411 qońyraý tústi. Óńirlik palatalar fors-major týraly kýálikter boiynsha 1045 qońyraý jáne 350 ótinish qabyldady.
Elimizdiń 9 óńirinde 2266 obektide ornalasqan zardap shekken 1861 biznes sýbekti anyqtaldy, olardyń ishinde Almatyda 1969 obektide ornalasqan 1602 sýbekt bar. Zardap shekken biznes sýbektileriniń salalary: saýda – 1663; qoǵamdyq tamaqtaný – 68; qarjy sektory – 88; logistika – 36; BAQ – 6.
