Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda aýyldyq eldi mekenderdi internetke keń jolaqty qoljetimdilikpen qamtamasyz etý, 5G jáne data-ortalyqtardy damytý boiynsha jobalardy iske asyrý barysy qaraldy, dep habarlaidy "Ult aqparat" primeminister.kz portalyna silteme jasap.
Premer-Ministr Baqytjan Saǵyntaev qalalar men aýyldardy internetke keń jolaqty qoljetimdilikpen qamtamasyz etý ýaqyt talaby ekenin aitty.
«Internetke keń jolaqty qoljetimdilikpen qamtamasyz etý tek bizdiń ǵana talabymyz emes. Biz artta qalmaýymyz kerek, qajetti qujattar qabyldandy, barlyq sheshimder bar. Bul ýaqyt talaby, kóptegen memleketterdiń kún tártibine alynǵan. Tek belsendi jumys isteý kerek. Negizgi másele - óńirlerdegi internet jyldamdyǵy: bailanys bar, internet bar, tek jyldamdyǵy óte tómen. Bul bizneske ǵana qatysty emes, halyqtyń qajettiligi», - dedi Premer-Ministr jáne QR Aqparat jáne kommýnikatsiialar ministrligine memlekettik organdarmen birlesip jyldamdyqty internetpen qamtý boiynsha sharalar qabyldaýdy tapsyrdy.
Oryndalýyn baqylaý QR Premer-Ministriniń orynbasary Asqar Jumaǵalievke júkteldi. Ol óz kezeginde aýyldyq eldi mekenderdi internetke keń jolaqty qoljetimdilikpen qamtamasyz etý boiynsha jumystar júrgizilip jatqanyn aitty, atalǵan baǵdarlama boiynsha barlyq máseleler sheshilip jatyr.
«Jyl sońyna deiin internetke keń jolaqty qoljetimdilikpen qamtamasyz etýdi bastaý kerek. Kelesi jyly 5G engizýdi biz pilottyq rejimde júrgizemiz. Pilottyq rejim aiaqtalǵan soń túpkilikti sheshim qabyldanady. Biz eń ozyq tájiribelerdi zerdeledik, onyń ishinde Ulybritaniia, Estoniia tájiribeleri bar. Derekterdi saqtap, óńdeý úshin derekterdi óńdeý ortalyqtaryn damytatyn bolamyz. Internetke keń jolaqty qoljetimdilikti qamtamasyz etý baǵdarlamasy qatań baqylaýǵa alynady», - dedi A. Jumaǵaliev.
QR Aqparat jáne kommýnikatsiialar ministrliginiń málimetinshe, «Tsifrlyq Qazaqstan» baǵdarlamasynyń maqsaty QR ekonomikalyq damýynyń qarqynyn tezdetý jáne tsifrlyq tehnologiialardy paidalaný arqyly el turǵyndarynyń ómir súrý sapasyn jaqsartý bolyp tabylady. Baǵdarlama mindetteriniń biri - telekommýnikatsiialyq infraqurylymdy. Osyǵan orai birqatar jobalar iske asyrylýda: aýyldarǵa internettiń keńjolaqty qoljetimdiligin qamtamasyz etý, 5G jáne data-ortalyqtar.
«QR aýyldyq eldi mekenderin talshyqty-optikalyq bailanys jelileri tehnologiiasy boiynsha keńjolaqty qoljetimdilikpen qamtamasyz etý» jobasyn iske asyrý elimizdiń 1249 aýylyndaǵy memlekettik organdardy jáne biýdjettik mekemelerdi talshyqty-optikalyq bailanys jelileri tehnologiiasyn qoldanýmen bailanys qyzmetine qosýǵa múmkindik beredi, bailanys arnalarynyń jalpy ótkizgishtik qabileti keminde 50 Mbit/sek quraityn bolady.
Álemdik tájiribe kórsetkendei, uialy bailanys standarttarynyń jańa býyny ár 10 jyl saiyn ázirlenip otyrady. 1981 jyly birinshi standart - 1G, 1992 jyly - 2G, 2001 jyly- 3G jáne 2010 jyldyń aiaǵynda - 4G engizildi. 2020 jylǵa qarai 5G standartyn engizý kútilýde.
Aqparat jáne kommýnikatsiialar ministri D. Abaev 5G uialy bailanysyn Qazaqstan aýmaǵyna engizý Halyqaralyq elektrobailanys odaǵynyń 5G standartyn qabyldanǵannan keiin múmkin bolatynyn jetkizdi. Bul sheshimdi 2019 jyly Egipette Dúniejúzilik radiobailanys konferentsiiasynda qabyldaý josparlanǵan. Halyqaralyq elektrobailanys odaǵy 5G standartyn qabyldaǵannan keiin ǵana telekommýnikatsiialyq jabdyqtardyń óndirýshileri qabyldanǵan standart boiynsha jumys isteitin tiisti qurylǵylardy jappai óndirýdi bastaidy.
Óz kezeginde, 2019 jyldyń II toqsanynda 5G uialy bailanys tehnologiiasyn pilottyq testileýden ótkizý josparlanyp otyr.
5G tehnologiiasy 4G mobildi bailanys tehnologiiasymen salystyrǵanda, 40 ese artyq jyldamdyqty usynýǵa (3D formatynda beinefaildy kórý jáne atalǵan formatta filmdi 6 sekýndta júktep alý úshin bul jetkilikti ), signaldy ustaýdy tómendetýge, sonymen qatar ony naqty ýaqyt rejiminde qashyqtyqtan operatsiialardy oryndaý úshin qoldanýǵa, ónerkásiptik robottardy jyldamdatýǵa, aýyl sharýashylyǵy tehnikalaryn qashyqtyqtan basqarýǵa, egisterge, otarlarǵa monitoring júrgizýge t.s.s. múmkindik beredi.
5G uialy bailanysyn pilottyq testileý úshin jiilikterdi irikteý jumystary Astana, Almaty qalalarynda jáne Aqmola, Almaty oblystarynda jáne Qorǵanys ministrligimen kelisilip júrgizildi. Jýyrda 5G mobildi bailanys tehnologiiasyn pilottyq testileýden ótkizý úshin bailanys operatoryn anyqtaýy qajet.
Memlekettik organdardyń aqparattyq júielerin kommertsiialyq derekterdi óńdeý ortalyqtarynda ornalastyrý úshin Aqparattandyrý obektilerin eki topqa bólý usynylady.
«Qazaqtelekom» 2021 jyldyń sońyna deiin 7 622 927 turǵyny bar 6212 eldi mekendi keń jolaqty internetpen qamtýdy kózdep otyr.
Óz kezeginde, «Qazaqtelekom» AQ basqarma tóraǵasy Qýanyshbek Esekeev kompaniianyń keń jolaqty jyldam internetti ázirleý jáne onymen qamtý boiynsha konkýrstyq jobaǵa qatysyp jatqanyn atap ótti. Qosý aýmaǵynda 4,8 mln adamdy qamtityn 828 aýyldyq eldi meken bar.
«Aldaǵy úsh jylda salynatyn talshyqty-optikalyq jelilerdiń jalpy kólemi 14,217 shaqyrym bolady. Olarǵa 2496 memlekettik organdy qosý josparlanyp otyr, investitsiialardyń ortasha quny shamamen 50 mlrd teńge», - dedi Q. Esekeev.
Sonymen qatar, onyń aitýynsha, 5G damytý aiasynda, qazir «Qazaqtelekom» AQ 5G testileýdi bastaý úshin óndirýshilermen jabdyqtar men baǵdarlamalyq qamtýdy usyný týraly másele pysyqtalyp jatyr, sonymen qatar 5G testileý jospary ázirlenýde. Nátijesinde testileýdi bastaý úshin vendorlardyń birinen jabdyqty jáne BQ usyný ázirligi rastaldy.
.jpeg)