Shymkentte 25 jastaǵy áiel birge turatyn er adamyn qyzǵanyshtan pyshaqtap óltirgeni úshin 10 jylǵa bas bostandyǵynan aiyryldy. Sondai-aq sot marqumnyń ata-anasyna 20 mln teńge moraldyq ótemaqy óndirý týraly sheshim shyǵardy, dep habarlaidy ult.kz Kriminalnyi Kazahstan telegram arnasyna silteme jasap.
Is materialdaryna sáikes, jup Samal-3 shaǵynaýdanyndaǵy jaldamaly úide turǵan. 20 mamyr kúni kúndiz olardyń arasynda ózara qyzǵanyshtan janjal týyndaǵan.
Janjal kezinde áiel asúi pyshaǵyn alyp, er adamnyń keýde tusyna bir ret soqqy jasaǵan. Saldarynan pyshaq onyń oń jaq ókpesi men iri qan tamyrlaryn zaqymdaǵan. Er adam oqiǵa ornynda kóz jumdy.
Áiel sol kúni ustaldy. Saraptama onyń qylmys jasaǵan sátte óz áreketiniń sipatyn túsingenin jáne ony basqara alǵanyn anyqtady.
Is alqabilerdiń qatysýymen qaraldy. Sot áieldi qasaqana kisi óltirgeni úshin kináli dep tanyp, 10 jylǵa bas bostandyǵynan aiyrý jazasyn taǵaiyndady.
Sonymen qatar sottalǵan áielden marqumnyń ata-anasynyń paidasyna 20 mln teńge moraldyq ziian ótemaqysy óndiriledi.
