Ýhanda meditsinalyq qaldyq alty ese ósip, bilik qaldyqty qaita óńdeýge arnalǵan ondaǵan oryn ashty. Qytai sheneýnikteri 29 qaladaǵy meditsinalyq qaldyq óńdeitin oryndar úzdiksiz jumys itep jatqanyn aitty. Endi AQSh Qytaidyń osy tájiribesin baqylaýǵa kóshti, dep jazady The Wall Street Journal.
«AQSh-ta qaldyqty qaita óńdeitin kompaniialar aýrýhanalardyń qoqys shyǵarý kólemi artqanyn aityp otyr. Ásirese, Amerikada maska, qolǵap pen halat qaldyqtary artqan. Meditsinalyq qaldyqtardy, infektsiialyq qoqystardy kómip nemese órtemes buryn kompaniia býmen sterildeý ádisin qoldanady. Degenmen, federaldy retteý organdary meditsinalyq oryndardan shyǵatyn qoqys kólemi artqandyqtan, biologiialyq suiyqtyq tigen qoqys qana óńdeýge jatatynyn, qalǵany qarapaiym qoqysqa teńestiriletinin málimdedi», - dep jazady avtor.
Onyń aitýynsha, qarapaiym qoqysqa teńestirilgen maskalar kompaniia qyzmetkerlerin alańdatyp otyr. Tipti, keibir aýrýhanalar bul qoqystardyń órtelgeni durys ekenin aitypty.
«Infektsiia juqqan qoqystarǵa qatysty alańdaýshylyq artty. Turmystyq qaldyqtardy ýtilizatsiialaý baǵdarlamasy toqtatylǵandyqtan, qoqysty qolmen suryptaityndardyń ómirine qaýip tóndi. Ǵalymdardyń aitýynsha, koronavirýs plastik pen temirde 72 saǵatqa deiin saqtalyp turady», - dep jazady avtor.
