ۋحاندا مەديتسينالىق قالدىق التى ەسە ٶسٸپ, بيلٸك قالدىقتى قايتا ٶڭدەۋگە ارنالعان ونداعان ورىن اشتى. قىتاي شەنەۋنٸكتەرٸ 29 قالاداعى مەديتسينالىق قالدىق ٶڭدەيتٸن ورىندار ٷزدٸكسٸز جۇمىس ٸتەپ جاتقانىن ايتتى. ەندٸ اقش قىتايدىڭ وسى تەجٸريبەسٸن باقىلاۋعا كٶشتٸ, دەپ جازادى The Wall Street Journal.
«اقش-تا قالدىقتى قايتا ٶڭدەيتٸن كومپانييالار اۋرۋحانالاردىڭ قوقىس شىعارۋ كٶلەمٸ ارتقانىن ايتىپ وتىر. ەسٸرەسە, امەريكادا ماسكا, قولعاپ پەن حالات قالدىقتارى ارتقان. مەديتسينالىق قالدىقتاردى, ينفەكتسييالىق قوقىستاردى كٶمٸپ نەمەسە ٶرتەمەس بۇرىن كومپانييا بۋمەن ستەريلدەۋ ەدٸسٸن قولدانادى. دەگەنمەن, فەدەرالدى رەتتەۋ ورگاندارى مەديتسينالىق ورىنداردان شىعاتىن قوقىس كٶلەمٸ ارتقاندىقتان, بيولوگييالىق سۇيىقتىق تيگەن قوقىس قانا ٶڭدەۋگە جاتاتىنىن, قالعانى قاراپايىم قوقىسقا تەڭەستٸرٸلەتٸنٸن مەلٸمدەدٸ», - دەپ جازادى اۆتور.
ونىڭ ايتۋىنشا, قاراپايىم قوقىسقا تەڭەستٸرٸلگەن ماسكالار كومپانييا قىزمەتكەرلەرٸن الاڭداتىپ وتىر. تٸپتٸ, كەيبٸر اۋرۋحانالار بۇل قوقىستاردىڭ ٶرتەلگەنٸ دۇرىس ەكەنٸن ايتىپتى.
«ينفەكتسييا جۇققان قوقىستارعا قاتىستى الاڭداۋشىلىق ارتتى. تۇرمىستىق قالدىقتاردى ۋتيليزاتسييالاۋ باعدارلاماسى توقتاتىلعاندىقتان, قوقىستى قولمەن سۇرىپتايتىنداردىڭ ٶمٸرٸنە قاۋٸپ تٶندٸ. عالىمداردىڭ ايتۋىنشا, كوروناۆيرۋس پلاستيك پەن تەمٸردە 72 ساعاتقا دەيٸن ساقتالىپ تۇرادى», - دەپ جازادى اۆتور.
