Balalardyń qaýipsizdigine arnalǵan aktsiia aiasynda «Jańa adamdar» belsendileri áleýmettik jelide oidan shyǵarylǵan 13 jastaǵy qyzdyń atynan paraqsha ashqan, dep habarlaidy ult.kz.
Belsendilerdiń aitýynsha, er adamdardyń biri virtýaldy «qyzǵa» ádepsiz sipattaǵy habarlamalar men materialdar jiberip, intimdik sipattaǵy áreketterdi usynǵan. Sondai-aq kezdesýge shaqyryp, olardyń jazysqanyn eshkimge aitpaýdy talap etken. Hat almasý barysynda er adamnyń áńgimelesýshisiniń 13 jasta ekenin bilgeni baiqalǵan.
Kezdesýge belgilengen ýaqytta 27 jastaǵy er adam kelgen. Alaida onyń aldynan kámeletke tolmaǵan qyzdyń ornyna belsendiler shyqqan.
Oqiǵa ornyna politsiia qyzmetkerleri de shaqyrylǵan. Belsendiler er adammen bolǵan hat almasýdy jáne jinaqtalǵan materialdardy quqyq qorǵaý organdaryna tapsyrǵan.
Qazir atalǵan jait boiynsha tiisti tekserý júrgizilip, er adamnyń áreketine quqyqtyq baǵa berilmek.
