Almaty turǵyny ýaqytynda tapsyrylmaǵan baspanasy úshin qurylys kompaniiasynan 10,5 mln teńge turaqsyzdyq aiybyn óndirip aldy. Bul týraly Joǵarǵy sot habarlady, dep habarlaidy ult.kz.
Sot málimetinshe, azamat 2021 jyly qurylys kompaniiasymen páter, kommertsiialyq úi-jai jáne avtoturaq satyp alý boiynsha úsh aldyn ala kelisimshart jasasqan. Ol kelisimsharttarda kórsetilgen somany tolyq tólegen.
Qurylys kompaniiasy nysandy aiaqtap, negizgi satyp alý-satý kelisimsharttaryn 2023 jyldyń sońyna deiin jasasýǵa mindettengen. Alaida nysan tek 2024 jyldyń qazan aiynda paidalanýǵa berilgen.
Osyǵan bailanysty satyp alýshy mindettemelerdi oryndaý merzimi buzylǵanyn aityp, kompaniiadan turaqsyzdyq aiybyn óndirip berýdi suraǵan. Alaida birinshi jáne apelliatsiialyq satylardaǵy sottar onyń talabyn qanaǵattandyrmaǵan.
Isti qaraǵan Azamattyq ister jónindegi kassatsiialyq sot tómengi sottardyń sheshimderimen kelispedi. Sot negizgi kelisimsharttardyń keiin jasalýy qurylys kompaniiasyn burynǵy mindettemelerin buzǵany úshin jaýapkershilikten bosatpaitynyn atap ótti.
Osydan keiin tómengi sottardyń aktileri joiylyp, qurylys kompaniiasynan 10,5 mln teńge turaqsyzdyq aiybyn óndirip alý týraly jańa sheshim shyǵaryldy.
