الماتى تۇرعىنى ۋاقىتىندا تاپسىرىلماعان باسپاناسى ٷشٸن قۇرىلىس كومپانيياسىنان 10,5 ملن تەڭگە تۇراقسىزدىق ايىبىن ٶندٸرٸپ الدى. بۇل تۋرالى جوعارعى سوت حابارلادى, دەپ حابارلايدى ult.kz.
سوت مەلٸمەتٸنشە, ازامات 2021 جىلى قۇرىلىس كومپانيياسىمەن پەتەر, كوممەرتسييالىق ٷي-جاي جەنە اۆتوتۇراق ساتىپ الۋ بويىنشا ٷش الدىن الا كەلٸسٸمشارت جاساسقان. ول كەلٸسٸمشارتتاردا كٶرسەتٸلگەن سومانى تولىق تٶلەگەن.
قۇرىلىس كومپانيياسى نىساندى اياقتاپ, نەگٸزگٸ ساتىپ الۋ-ساتۋ كەلٸسٸمشارتتارىن 2023 جىلدىڭ سوڭىنا دەيٸن جاساسۋعا مٸندەتتەنگەن. الايدا نىسان تەك 2024 جىلدىڭ قازان ايىندا پايدالانۋعا بەرٸلگەن.
وسىعان بايلانىستى ساتىپ الۋشى مٸندەتتەمەلەردٸ ورىنداۋ مەرزٸمٸ بۇزىلعانىن ايتىپ, كومپانييادان تۇراقسىزدىق ايىبىن ٶندٸرٸپ بەرۋدٸ سۇراعان. الايدا بٸرٸنشٸ جەنە اپەللياتسييالىق ساتىلارداعى سوتتار ونىڭ تالابىن قاناعاتتاندىرماعان.
ٸستٸ قاراعان ازاماتتىق ٸستەر جٶنٸندەگٸ كاسساتسييالىق سوت تٶمەنگٸ سوتتاردىڭ شەشٸمدەرٸمەن كەلٸسپەدٸ. سوت نەگٸزگٸ كەلٸسٸمشارتتاردىڭ كەيٸن جاسالۋى قۇرىلىس كومپانيياسىن بۇرىنعى مٸندەتتەمەلەرٸن بۇزعانى ٷشٸن جاۋاپكەرشٸلٸكتەن بوساتپايتىنىن اتاپ ٶتتٸ.
وسىدان كەيٸن تٶمەنگٸ سوتتاردىڭ اكتٸلەرٸ جويىلىپ, قۇرىلىس كومپانيياسىنان 10,5 ملن تەڭگە تۇراقسىزدىق ايىبىن ٶندٸرٸپ الۋ تۋرالى جاڭا شەشٸم شىعارىلدى.
