Biylǵy oqý jylynda ulttyq biryńǵai testileýdi 154 myń talapker eki múmkindikti qatar eseptegende 276 myń ret test tapsyrdy. Bul týraly Ortalyq kommýnikatsiialar qyzmeti alańynda ótken jiynda Ulttyq testileý ortalyǵynyń direktory Rýslan Emelbaev málimdedi, dep habarlaidy Ulysmedia.kz.
«Testileý qorytyndysy boiynsha 103 myńnan astam talapker shekti ball jinady, bul qatysýshylardyń jalpy sanynyń 67%-yn quraidy. Ótken jylmen salystyrǵanda bul kórsetkish 7%-ǵa joǵary boldy. Testilenýshilerdiń 51 myńǵa jýyǵy (33%-y) shekti ball jinai almady. UBT ortasha baly 66 baldy qurady.
Biyl eń joǵary ball 139 boldy. Joǵary baldy Qazaqstan boiynsha 3 talapker jinady. Biraq ókinishke qarai, eki talapkerdiń 139 balǵa akademiialyq adaldyqty saqtamai, ereje buzý arqyly qol jetkizgeni anyqtalyp, ekeýiniń de nátijesi joiyldy. Qazir úshinshi talapkerdiń nátijesi tekserilip jatyr», - dedi Ulttyq testileý ortalyǵynyń direktory.
Belgili bolǵandai, 3179 oqýshy 120 baldan joǵary jinaǵan. Biyl UBT-ǵa tyiym salynǵan zattardy kirgizý jáne UBT erejelerin buzý boiynsha 327 jaǵdai tirkelgen.
