بيىلعى وقۋ جىلىندا ۇلتتىق بٸرىڭعاي تەستٸلەۋدٸ 154 مىڭ تالاپكەر ەكٸ مٷمكٸندٸكتٸ قاتار ەسەپتەگەندە 276 مىڭ رەت تەست تاپسىردى. بۇل تۋرالى ورتالىق كوممۋنيكاتسييالار قىزمەتٸ الاڭىندا ٶتكەن جيىندا ۇلتتىق تەستٸلەۋ ورتالىعىنىڭ ديرەكتورى رۋسلان ەمەلباەۆ مەلٸمدەدٸ, دەپ حابارلايدى Ulysmedia.kz.
«تەستٸلەۋ قورىتىندىسى بويىنشا 103 مىڭنان استام تالاپكەر شەكتٸ بالل جينادى, بۇل قاتىسۋشىلاردىڭ جالپى سانىنىڭ 67%-ىن قۇرايدى. ٶتكەن جىلمەن سالىستىرعاندا بۇل كٶرسەتكٸش 7%-عا جوعارى بولدى. تەستٸلەنۋشٸلەردٸڭ 51 مىڭعا جۋىعى (33%-ى) شەكتٸ بالل جيناي المادى. ۇبت ورتاشا بالى 66 بالدى قۇرادى.
بيىل ەڭ جوعارى بالل 139 بولدى. جوعارى بالدى قازاقستان بويىنشا 3 تالاپكەر جينادى. بٸراق ٶكٸنٸشكە قاراي, ەكٸ تالاپكەردٸڭ 139 بالعا اكادەمييالىق ادالدىقتى ساقتاماي, ەرەجە بۇزۋ ارقىلى قول جەتكٸزگەنٸ انىقتالىپ, ەكەۋٸنٸڭ دە نەتيجەسٸ جويىلدى. قازٸر ٷشٸنشٸ تالاپكەردٸڭ نەتيجەسٸ تەكسەرٸلٸپ جاتىر», - دەدٸ ۇلتتىق تەستٸلەۋ ورتالىعىنىڭ ديرەكتورى.
بەلگٸلٸ بولعانداي, 3179 وقۋشى 120 بالدان جوعارى جيناعان. بيىل ۇبت-عا تىيىم سالىنعان زاتتاردى كٸرگٸزۋ جەنە ۇبت ەرەجەلەرٸن بۇزۋ بويىنشا 327 جاعداي تٸركەلگەن.
