تاشكەنتتە ٶتكەن فۋتبول تۋرنيرٸ كەزٸندە جاپپاي ۋلانىپ قالعان قازاقستاندىق بالالاردىڭ بارلىعى ەلگە ورالدى. ولاردىڭ دەنساۋلىعىنا ۇزاق مەرزٸمدٸ زييان كەلگەنٸ انىقتالماعان, دەپ حابارلايدى ult.kz.
بۇل تۋرالى 9 قاراشادا قر سىرتقى ٸستەر مينيسترلٸگٸنٸڭ رەسمي ٶكٸلٸ جانبولات ٷسەنوۆ مەلٸمدەدٸ.
ونىڭ ايتۋىنشا, جاس سپورتشىلار ٶزبەكستاندا قاجەتتٸ مەديتسينالىق كٶمەك العان. ديپلومات زارداپ شەككەن بالالارعا جەدەل كٶمەك كٶرسەتكەن ٶزبەك دەرٸگەرلەرٸنە العىس بٸلدٸردٸ.
«ەڭ باستىسى, دەنساۋلىققا ۇزاق مەرزٸمدٸ زييان كەلگەنٸ انىقتالعان جوق. بالالار ەلگە ورالدى, قۇدايعا شٷكٸر, بەرٸ جاقسى», – دەدٸ مينيسترلٸك ٶكٸلٸ.
ەسكە سالايىق, وقيعا قاراشا ايىنىڭ باسىندا تاشكەنتتە ٶتكەن Dostlik Cup 2026 حالىقارالىق بالالار فۋتبول تۋرنيرٸ كەزٸندە بولعان. قاراعاندى وبلىسىنان بارعان جاس سپورتشىلار قوناقٷيدە تاڭعى اس ٸشكەننەن كەيٸن ٶزدەرٸن جايسىز سەزٸنگەن. اتا-انالارىنىڭ ايتۋىنشا, بالالار جۇمىرتقا جەگەن سوڭ كەيبٸرٸنٸڭ دەنە قىزۋى كٶتەرٸلٸپ, جٷرەگٸ اينىپ, قۇسقان جەنە ٸشٸ ٶتكەن.
6 قاراشاداعى مەلٸمەت بويىنشا, قاراعاندى وبلىستىق كلينيكالىق اۋرۋحاناسىنىڭ ينفەكتسييالىق ستاتسيونارىنا 15 بالا مەن 8 ەرەسەك جەتكٸزٸلگەن. ولارعا اسقازان-ٸشەك جولدارىن زاقىمدايتىن جٸتٸ ينفەكتسييالىق اۋرۋ دياگنوزى قويىلعان.
قازٸر ٶزبەكستاندا سانيتارييالىق زاڭنامانى بۇزۋ دەرەگٸ بويىنشا قىلمىستىق ٸس قوزعالىپ, وقيعانىڭ ناقتى سەبەبٸ انىقتالىپ جاتىر. تەرگەۋ نەتيجەسٸ قوسىمشا حابارلانباق.
