ەيەلٸن شاشىنان سٷيرەپ, قىلقىندىرعان تاكسي جٷرگٸزۋشٸسٸ سوت زالىنان بوساتىلدى, دەپ حابارلايدى ult.kz.
«دياپازون» باسىلىمىنىڭ مەلٸمەتٸنشە, اقتٶبەدە بٸرگە تۇراتىن ەيەلٸنە كٷش كٶرسەتكەن 26 جاستاعى تاكسي جٷرگٸزۋشٸسٸنە سوت ٷكٸمٸ شىقتى. باستاپقىدا ازاپتاۋ دەرەگٸ بويىنشا ايىپتالعان ەر ادامنىڭ ەرەكەتٸ سوتتا قايتا سارالانىپ, ول 12 تەۋلٸككە قاماۋعا الىندى. الايدا بەس ايعا جۋىق تەرگەۋ يزولياتورىندا وتىرعاندىقتان, سوت زالىنان بٸردەن بوساتىلدى.
ٸس ماتەريالدارىنا سەيكەس, جانجال كەزٸندە ەر ادام ەيەلدٸ ۇرىپ-سوققان. ەيەل پودەزگە قاشىپ شىعۋعا ەرەكەتتەنگەندە, ول جەبٸرلەنۋشٸنٸ شاشىنان ۇستاپ, سٷيرەگەن. كەيٸن تٸزەرلەپ قۇلاعان ەيەلدٸ قىلقىندىرعان.
سوت وتىرىسىندا ەرلٸ-زايىپتىنىڭ رەسمي نەكەدە تۇرماعانى جەنە ەكٸ جىلدان بەرٸ بٸرگە تۇرىپ كەلگەنٸ بەلگٸلٸ بولدى. سونداي-اق سوتتالۋشىنىڭ بۇعان دەيٸن دە بٸرنەشە رەت جاۋاپقا تارتىلعانى انىقتالدى. الايدا ەر جولى ەيەل ونى كەشٸرٸپ, تاتۋلاسقان.
بۇل جولى دا جەبٸرلەنۋشٸ سوتتان ەر ادامدى باس بوستاندىعىنان ايىرماۋدى سۇراعان. سوتتالۋشى دا تەرگەۋ يزولياتورىندا وتىرعان كەزٸندە تٷزەلۋگە بەل بۋعانىن ايتىپ, جەڭٸل جازا تاعايىنداۋدى ٶتٸنگەن.
سوت ەرەكەتتە ازاپتاۋ قۇرامى جوق دەگەن قورىتىندىعا كەلٸپ, ايىپتى قىلمىستىق كودەكستٸڭ «ۇرىپ-سوعۋ» بابى بويىنشا قايتا سارالادى. نەتيجەسٸندە ەر ادامدى 12 تەۋلٸككە قاماۋ تۋرالى ٷكٸم شىعارىلدى.
الايدا سوتتالۋشى تەرگەۋ يزولياتورىندا بەس ايعا جۋىق ۋاقىت ٶتكٸزگەندٸكتەن, جازاسىن ٶتەگەن بولىپ ەسەپتەلٸپ, سوت زالىنان بوساتىلدى. سونىمەن قاتار وعان جەبٸرلەنۋشٸدەن بٸر اي بويى بٶلەك تۇرۋ جەنە بٸر جىل ٸشٸندە ەيەلدٸ اڭدىماۋ مٸندەتٸ جٷكتەلدٸ.
