Foto: Gov.kz
Vedomstvonyń habarlaýynsha, ýaqytty bir saǵatqa artqa aýystyrý elektr júiesiniń jumysynda eshqandai úzilis nemese tutynýshylarǵa shekteýler týdyrmady, dep habarlaidy Ult.kz.
Eń joǵary júktemeler sol deńgeide qaldy, jalǵyz ózgeris keshki eń joǵary tutynýdyń erterek bastalýy boldy. Degenmen, bul ósim tańerteń tutynýdyń tómendeýimen óteldi.
"2023 jáne 2024 jylǵy qańtar-qyrkúiektegi málimetterdi taldaý elektr energiiasyn tutynýdyń 4%-ǵa turaqty ósýin kórsetedi. Bul ósim ýaqyt beldeýleriniń ózgerýine bailanysty emes, halyqtyń jáne jalpy el ekonomikasynyń tutynýynyń tabiǵi ósýine bailanysty", - delingen habarlamada.
Energetika ministrligi mysal retinde ákimshilik ýaqyt bir saǵatqa artqa jyljytylmaǵan EES Batys aimaǵyn mysalǵa keltirdi, munda tutyný ótken jyldyń sáikes kezeńimen salystyrǵanda 10,4%-ǵa ósken.
Buǵan deiin ýaqytty keri jyljytýǵa bastamashy bolǵan májilis depýtaty Erkin Ábil saǵat tili nege keri jyljytylǵanyn jáne bul sheshimge narazylyq bildirýdiń esh máni joq ekenin túsindirgen bolatyn.
