Soltústik Qazaqstan oblysynda jol apatynan balabaqsha direktory men eki tárbieshi kóz jumdy. Bul týraly Kriminalnyi Kazahstan telegram arnasy jazdy, dep habarlaidy ult.kz.
Jol-kólik oqiǵasy 15 qazanda Kókshetaý – Petropavl tasjolynda, Krementchýg aýylynyń mańynda bolǵan. Politsiianyń málimetinshe, kenetten tuman túsip, joldaǵy kóriný qashyqtyǵy kúrt nasharlaǵan. Sonyń saldarynan Audi avtokóligi eki KamAZ júk kóliginiń ortasynda qysylyp qalǵan.
Apat saldarynan 48, 54 jáne 57 jastaǵy úsh áiel oqiǵa ornynda qaza tapty. Taǵy eki adam, onyń ishinde 20 jastaǵy júrgizýshi aýrýhanaǵa jetkizildi.
Júrgizýshiniń jaǵdaiy turaqty dep baǵalanyp otyr. Al jaraqat alǵan ekinshi áielge ota jasalyp, ol aýyr ári turaqsyz jaǵdaida jansaqtaý bóliminde jatyr.
Oblystyq bilim basqarmasynyń habarlaýynsha, qaza tapqandar Jambyl aýdanyndaǵy balabaqshada jumys istegen. Olardyń sapary jeke maqsatta bolǵan.
Atalǵan jol apatyna bailanysty sotqa deiingi tergeý bastaldy.
