سولتٷستٸك قازاقستان وبلىسىندا جول اپاتىنان بالاباقشا ديرەكتورى مەن ەكٸ تەربيەشٸ كٶز جۇمدى. بۇل تۋرالى كريمينالنىي كازاحستان telegram ارناسى جازدى, دەپ حابارلايدى ult.kz.
جول-كٶلٸك وقيعاسى 15 قازاندا كٶكشەتاۋ – پەتروپاۆل تاسجولىندا, كرەمەنتچۋگ اۋىلىنىڭ ماڭىندا بولعان. پوليتسييانىڭ مەلٸمەتٸنشە, كەنەتتەن تۇمان تٷسٸپ, جولداعى كٶرٸنۋ قاشىقتىعى كٷرت ناشارلاعان. سونىڭ سالدارىنان Audi اۆتوكٶلٸگٸ ەكٸ كاماز جٷك كٶلٸگٸنٸڭ ورتاسىندا قىسىلىپ قالعان.
اپات سالدارىنان 48, 54 جەنە 57 جاستاعى ٷش ەيەل وقيعا ورنىندا قازا تاپتى. تاعى ەكٸ ادام, ونىڭ ٸشٸندە 20 جاستاعى جٷرگٸزۋشٸ اۋرۋحاناعا جەتكٸزٸلدٸ.
جٷرگٸزۋشٸنٸڭ جاعدايى تۇراقتى دەپ باعالانىپ وتىر. ال جاراقات العان ەكٸنشٸ ەيەلگە وتا جاسالىپ, ول اۋىر ەرٸ تۇراقسىز جاعدايدا جانساقتاۋ بٶلٸمٸندە جاتىر.
وبلىستىق بٸلٸم باسقارماسىنىڭ حابارلاۋىنشا, قازا تاپقاندار جامبىل اۋدانىنداعى بالاباقشادا جۇمىس ٸستەگەن. ولاردىڭ ساپارى جەكە ماقساتتا بولعان.
اتالعان جول اپاتىنا بايلانىستى سوتقا دەيٸنگٸ تەرگەۋ باستالدى.
