Mańǵystaý oblysynda qaraqurttan zardap shekken eki jasar qyz 14 kún emdelip, úiine shyǵaryldy, dep habarlaidy ult.kz.
Lada.kz málimetinde, aldyn ala málimet boiynsha, oiyn kezinde basqa bala qyzǵa órmekshi bergen. Kóp uzamai búldirshinniń jaǵdaiy kúrt nasharlaǵan.
Qyz aýdandyq aýrýhanadan oblystyq balalar aýrýhanasyna meditsinalyq aviatsiia arqyly jetkizildi. Dárigerler oǵan qaraqurtqa qarsy sarysý egip, qarqyndy terapiia júrgizgen.
Aýrýhanaǵa túskende balanyń jaǵdaiy óte aýyr bolyp, ol komada jatqan. Qyz 10 kún jansaqtaý bóliminde emdelip, keiin komadan shyǵyp, ózdiginen tynys ala bastaǵan.
Jaǵdaiy turaqtalǵan soń, taǵy tórt kún beiindi bólimshede em qabyldap, úiine jiberildi.
