Semeide jańa týǵan qyzyn qoqys konteinerine tastap ketken ata-analarǵa sot úkimi shyqty, dep habarlaidy ult.kz.
KTK telearnasynyń habarlaǵandai tergeý málimetinshe, áiel júktiligin jasyryp, qyz balany úiinde bosanǵan. Keiin ol náresteniń óli týǵanyn aitqan. Alaida tergeý barysynda sábidiń tońyp qalý saldarynan kóz jumǵany anyqtalǵan. Qyzdyń ólimine ákesi de qatysy bar ekeni belgili boldy. Ol náresteni qoqys konteinerine tastap ketken.
Sot sheshimimen ata-ananyń ekeýi de arnaiy ataqtarynan aiyryldy. 21 jastaǵy ana eki jylǵa bas bostandyǵynan aiyrylǵanymen, raqymshylyqqa ilindi.
Al 26 jastaǵy ákesi ómir boiyna bas bostandyǵynan aiyryldy.
Sýdia Niiaz Hasenbaev Qazaqstan Respýblikasy Qylmystyq kodeksiniń 99-baby 3-bóligi boiynsha er adamdy kináli dep tanyp, oǵan ómir boiyna bas bostandyǵynan aiyrý jazasyn taǵaiyndady.
Aita keteiik, erli-zaiyptynyń ekeýi de ishki ister organdarynda jumys istegen.
