Búgin Tótenshe Jaǵdailar ministri Shyńǵys Arynov eldegi aýa raiynyń qolaisyzdyǵyna bailanysty ahýal týraly aitty dep habarlaidy «Ult aqparat».
«Qazgidromettiń boljamyna sáikes 7-9 aqpan aralyǵynda Qazaqstannyń basym bóliginde daýyl bolyp, ekpini sekýndyna 30 metrden asatyn qatty jel soqqan. Ári qarai tsiklon Qazaqstannan Resei Federatsiiasyna qarai aýysa bastaidy.
Eldiń 11 aimaǵynda elektr jelisiniń apaty tirkelip, 25 ǵimarattyń shatyry ushty. Elimizdiń 13 óńirinde respýblikalyq avtojoldarda oblystyq mańyzy bar blok-beketter qoiylyp, kóliktiń barlyq túrleriniń qozǵalysy shekteldi. El óńirlerinde Ministrliktiń respýblikalyq shtaby bastaǵan jedel shtabtar jumys isteidi. Qazir blok-beketterde 4 myńnan astam kólik toqtap tur. Ýaqytsha ornalastyrý pýnktterinde 1 107 adam bar.
Jalpy, osy kúnder aralyǵynda Qazaqstannyń 12 óńirinde 7 myńnan astam kólik qozǵalysy toqtatyldy. Al ýaqytsha ornalastyrý pýnktterinde 5 myńnan astam azamat, onyń ishinde 50-den astam bala boldy. Evakýatsiialandar sany 1 426 azamat jáne 64 kólik shyǵaryldy», -dedi Arynov Ortalyq Kommýnikatsiialar Qyzmetinde ótken brifingte.
