بٷگٸن تٶتەنشە جاعدايلار مينيسترٸ شىڭعىس ارىنوۆ ەلدەگٸ اۋا رايىنىڭ قولايسىزدىعىنا بايلانىستى احۋال تۋرالى ايتتى دەپ حابارلايدى «ۇلت اقپارات».
«قازگيدرومەتتٸڭ بولجامىنا سەيكەس 7-9 اقپان ارالىعىندا قازاقستاننىڭ باسىم بٶلٸگٸندە داۋىل بولىپ, ەكپٸنٸ سەكۋندىنا 30 مەتردەن اساتىن قاتتى جەل سوققان. ەرٸ قاراي تسيكلون قازاقستاننان رەسەي فەدەراتسيياسىنا قاراي اۋىسا باستايدى.
ەلدٸڭ 11 ايماعىندا ەلەكتر جەلٸسٸنٸڭ اپاتى تٸركەلٸپ, 25 عيماراتتىڭ شاتىرى ۇشتى. ەلٸمٸزدٸڭ 13 ٶڭٸرٸندە رەسپۋبليكالىق اۆتوجولداردا وبلىستىق ماڭىزى بار بلوك-بەكەتتەر قويىلىپ, كٶلٸكتٸڭ بارلىق تٷرلەرٸنٸڭ قوزعالىسى شەكتەلدٸ. ەل ٶڭٸرلەرٸندە مينيسترلٸكتٸڭ رەسپۋبليكالىق شتابى باستاعان جەدەل شتابتار جۇمىس ٸستەيدٸ. قازٸر بلوك-بەكەتتەردە 4 مىڭنان استام كٶلٸك توقتاپ تۇر. ۋاقىتشا ورنالاستىرۋ پۋنكتتەرٸندە 1 107 ادام بار.
جالپى, وسى كٷندەر ارالىعىندا قازاقستاننىڭ 12 ٶڭٸرٸندە 7 مىڭنان استام كٶلٸك قوزعالىسى توقتاتىلدى. ال ۋاقىتشا ورنالاستىرۋ پۋنكتتەرٸندە 5 مىڭنان استام ازامات, ونىڭ ٸشٸندە 50-دەن استام بالا بولدى. ەۆاكۋاتسييالاندار سانى 1 426 ازامات جەنە 64 كٶلٸك شىعارىلدى», -دەدٸ ارىنوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
