Búgin Ońtústik Qazaqstan oblysynyń ákimi Janseiit Túimebaev jarty ǵasyrdan astam tarihy bar, úsh tilde oqytatyn mamandandyrylǵan Shymkent qalasyndaǵy №12 mektep-internatynda boldy, dep habarlaidy "Ult aqparat".
Onda ákim keńes dáýiriniń Sotsialistik eńbek eri, mekteptiń alǵashqy direktory Marjan Tasovanyń eskertkishine gúl shoqtaryn qoiyp, bilim ordasynyń murajaiymen, balalardyń jasaǵan qolóner buiymdaryn jáne kitaphana jumysymen tanysty.
Sonymen qatar, aimaq basshysy ardager ustazdarmen kezdesip, qazan aiynyń birinshi jeksenbisi ótken «Muǵalimder kúnimen» quttyqtady.
«Búgingi merekelik kezdesýge osy bilim uiymynda balalarǵa bilim men tárbie berýde joǵary kórsetkishterge ie bolyp, zeinetke shyqqan ardager ustazdarymyz qatysýda. Sizder bilim nárimen sýsyndatqan, osy mektepten túlep ushqan qanshama jastar búginde Qazaqstannyń túkpir-túkpirinde jemisti eńbek etip, elimizdiń órkendeýine óz úlesterin qosýda. Osy mektep qabyrǵasynda myńdaǵan shákirtterge tálim bergen, ardager ustazdarymyzdyń eńbek joly - árdaiym shákirtter úshin óshpes ónege. Bilim uiymynyń árbir jetistigi - ustazdar ujymy men oqýshylardyń birlese atqarǵan qajyrly eńbeginiń jemisi»,-dedi ákim.
1961 jyly ashylǵan mektepte akademik Tynysbek Qalmenov, Amanbek Aqaev, Abý Meńlibaev jáne professor Janseiit Túimebaev syndy belgili bilim jáne ǵylym maitalmandary bilim alǵan.
Osy mektep qabyrǵasynda myńdaǵan shákirtterden bólek, oblys ákimi J.Túimebaevta bilim alǵan. Búgin ákim matematika páninen sabaq bergen, ári synyp jetekshisi Sara Qabylbekova men tárbieshi apaiy Nurjamal Qalaýovaǵa jáne himiia pániniń muǵalimi Múkenova Sailaýkúl men geaografiia pániniń muǵalimi Janseiitova Dariǵa apailaryn merekemen quttyqtap, syi-siiapat tartý etti.
Búgingi tańda mektep qabyrǵasynda 485 oqýshy bilim alýda. Onyń ishinde úzdik oqýshylar sany – 122, halyqaralyq, respýblikalyq, oblystyq olimpiadalar men ǵylymi jobalardyń jeńimpazdary – 41. Olarǵa joǵary sanatty bilikti 56 ustaz jáne 33 tárbieshi bilim berýde.
Biylǵy osy mekteptiń bitirýshi túlekteri Ulttyq biryńǵai testtiń qorytyndysymen ortasha 100 ball jinasa, al mekteptiń túlegi Pernequlova Aina 137 ball jinap, Respýblikada aldyńǵy shepke shyǵyp ustazdaryn qýantty.
