بٷگٸن وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ جارتى عاسىردان استام تاريحى بار, ٷش تٸلدە وقىتاتىن مامانداندىرىلعان شىمكەنت قالاسىنداعى №12 مەكتەپ-ينتەرناتىندا بولدى, دەپ حابارلايدى "ۇلت اقپارات".
وندا ەكٸم كەڭەس دەۋٸرٸنٸڭ سوتسياليستٸك ەڭبەك ەرٸ, مەكتەپتٸڭ العاشقى ديرەكتورى مارجان تاسوۆانىڭ ەسكەرتكٸشٸنە گٷل شوقتارىن قويىپ, بٸلٸم ورداسىنىڭ مۇراجايىمەن, بالالاردىڭ جاساعان قولٶنەر بۇيىمدارىن جەنە كٸتاپحانا جۇمىسىمەن تانىستى.
سونىمەن قاتار, ايماق باسشىسى ارداگەر ۇستازدارمەن كەزدەسٸپ, قازان ايىنىڭ بٸرٸنشٸ جەكسەنبٸسٸ ٶتكەن «مۇعالٸمدەر كٷنٸمەن» قۇتتىقتادى.
«بٷگٸنگٸ مەرەكەلٸك كەزدەسۋگە وسى بٸلٸم ۇيىمىندا بالالارعا بٸلٸم مەن تەربيە بەرۋدە جوعارى كٶرسەتكٸشتەرگە يە بولىپ, زەينەتكە شىققان ارداگەر ۇستازدارىمىز قاتىسۋدا. سٸزدەر بٸلٸم نەرٸمەن سۋسىنداتقان, وسى مەكتەپتەن تٷلەپ ۇشقان قانشاما جاستار بٷگٸندە قازاقستاننىڭ تٷكپٸر-تٷكپٸرٸندە جەمٸستٸ ەڭبەك ەتٸپ, ەلٸمٸزدٸڭ ٶركەندەۋٸنە ٶز ٷلەستەرٸن قوسۋدا. وسى مەكتەپ قابىرعاسىندا مىڭداعان شەكٸرتتەرگە تەلٸم بەرگەن, ارداگەر ۇستازدارىمىزدىڭ ەڭبەك جولى - ەردايىم شەكٸرتتەر ٷشٸن ٶشپەس ٶنەگە. بٸلٸم ۇيىمىنىڭ ەربٸر جەتٸستٸگٸ - ۇستازدار ۇجىمى مەن وقۋشىلاردىڭ بٸرلەسە اتقارعان قاجىرلى ەڭبەگٸنٸڭ جەمٸسٸ»,-دەدٸ ەكٸم.
1961 جىلى اشىلعان مەكتەپتە اكادەميك تىنىسبەك قالمەنوۆ, امانبەك اقاەۆ, ابۋ مەڭلٸباەۆ جەنە پروفەسسور جانسەيٸت تٷيمەباەۆ سىندى بەلگٸلٸ بٸلٸم جەنە عىلىم مايتالماندارى بٸلٸم العان.
وسى مەكتەپ قابىرعاسىندا مىڭداعان شەكٸرتتەردەن بٶلەك, وبلىس ەكٸمٸ ج.تٷيمەباەۆتا بٸلٸم العان. بٷگٸن ەكٸم ماتەماتيكا پەنٸنەن ساباق بەرگەن, ەرٸ سىنىپ جەتەكشٸسٸ سارا قابىلبەكوۆا مەن تەربيەشٸ اپايى نۇرجامال قالاۋوۆاعا جەنە حيمييا پەنٸنٸڭ مۇعالٸمٸ مٷكەنوۆا سايلاۋكٷل مەن گەاوگرافييا پەنٸنٸڭ مۇعالٸمٸ جانسەيٸتوۆا داريعا اپايلارىن مەرەكەمەن قۇتتىقتاپ, سىي-سيياپات تارتۋ ەتتٸ.
بٷگٸنگٸ تاڭدا مەكتەپ قابىرعاسىندا 485 وقۋشى بٸلٸم الۋدا. ونىڭ ٸشٸندە ٷزدٸك وقۋشىلار سانى – 122, حالىقارالىق, رەسپۋبليكالىق, وبلىستىق وليمپيادالار مەن عىلىمي جوبالاردىڭ جەڭٸمپازدارى – 41. ولارعا جوعارى ساناتتى بٸلٸكتٸ 56 ۇستاز جەنە 33 تەربيەشٸ بٸلٸم بەرۋدە.
بيىلعى وسى مەكتەپتٸڭ بٸتٸرۋشٸ تٷلەكتەرٸ ۇلتتىق بٸرىڭعاي تەستتٸڭ قورىتىندىسىمەن ورتاشا 100 بالل جيناسا, ال مەكتەپتٸڭ تٷلەگٸ پەرنەقۇلوۆا اينا 137 بالل جيناپ, رەسپۋبليكادا الدىڭعى شەپكە شىعىپ ۇستازدارىن قۋانتتى.
