Tanymal ázilkesh Tursynbek Qabatovtyń jary Aiman Talǵatqyzy áleýmettik jelidegi paraqshasynda otbasylyq jańalyqtarymen bólisti, dep habarlaidy ult.kz.

Erli-zaiyptylar jaqynda Medina qalasyna saparlap qaitqan. Aiman Talǵatqyzy qasietti mekenge degen saǵynyshyn jetkizip, bul jerge barýdy armandap júrgen jandarǵa tilegin bildirdi.

"Bul jerge taban basýdy ańsap júrgender qanshama. Alla barshańyzǵa buiyrtsynshy. Saǵynyp otyrmyn", - dep jazdy ol Instagram storisinde.

Sonymen qatar Aiman Talǵatqyzy Tursynbek Qabatovtyń aldaǵy kontserttik jospary týraly da aitty. Onyń sózinshe, 23 qazannan bastap ázilkesh Qazaqstannyń birqatar qalasynda jeke kontsertin ótkizbek.

"Osy aidyń 23-inen bastap Qazaqstannyń barlyq qalasynda jeke kontsert ótedi. Erekshe kontsert bolmaq. Shashbaýyn kóterip, men de birge júremin", -  dep jazdy ol.

Aita keteiik, Tursynbek Qabatov aldaǵy josparlary týraly suhbat berdi. 

Tursynbek Qabatov kim? 
 

Tursynbek Amanǵaliuly 1979 jyly 10 qazanda Batys Qazaqstan oblysy, Kaztalov aýdany, Aqpáter aýylynda dúniege kelgen. Sáken Seifýllin atyndaǵy Qazaq ulttyq agrarlyq ýniversitetin bitirgen. Eńbek jolyn 2000 jyly Ǵarifolla Qurmanǵaliev atyndaǵy Batys Qazaqstan oblysytyq filarmoniiasynan bastaǵan. 2001 jyldan Kóńildi tapqyrlar klýbynda oinaidy. Sáken Seifýllin atyndaǵy Qazaq ulttyq agrarlyq ýniversitetiniń qabyrǵasynda júrgende "Agrarka sarbazdary", "Astana.kz", "Kazahi" kvn komandalarynda oinady. 2010 jyly TMD elderiniń "Úzdik KVN oinyshysy" ataǵymen marapattalǵan. 2011 jyldan Astana qalasy ákimdiginiń "Ázil Álemi" ázil-syqaq teatrynyń direktory. KTA oiyndarynyń júrgizýshisi. 
Tursynbek Qabatov eks-jary Móldir Muqan buǵan deiin jýrnalist Janar Baisemizge kólemdi suhbat bergen.