Tanymal ázilkesh Tursynbek Qabatovtyń ekinshi áieli Aiman Talǵatqyzy óner iesiniń týǵan jeri Oralda laiyqty qurmet kórmegenine qynjylatynyn aitty, dep habarlaidy ult.kz.

Onyń sózinshe, Tursynbek Qabatovtyń sahnada júrgenine 26 jyl bolǵan. Osy ýaqyt ishinde elimizdiń ár óńirindegi kórermender ázilkeshke yqylasyn bildirip, at mingizip, shapan japqan kezder de bolǵan.

Alaida Aiman Talǵatqyzy Qabatovtyń týǵan jeri Oralda mundai qurmettiń bolmaǵanyn atap ótti. Aitýynsha, qalada óner iesiniń shyǵarmashylyq jolyna arnalǵan kontsert uiymdastyrylǵanymen, oǵan arnaiy quttyqtaý qaǵazy da tabystalmaǵan.

Aiman bul máselege qatysty áleýmettik jeli qoldanýshylarynyń pikirine de jaýap berdi. Oqyrmandardyń biri muny ázilkeshtiń ajyrasýymen bailanystyryp, “ajyrasqannan keiin týǵan jeri unatpai qalǵan shyǵar” degen boljam aitqan.

“Aitpaqshy, qurmettese, ajyraspai turyp-aq kórsetpei me sol qurmetterin?” – dep jaýap berdi Aiman Talǵatqyzy.

Osylaisha ol máseleni Qabatovtyń jeke ómirindegi ózgeristermen bailanystyrý durys emes ekenin ańǵartty.

Aita keteiik, Tursynbek Qabatovtyń jary otbasylyq jańalyqtaryn aitty.

Tursynbek Qabatov kim?

Tursynbek Amanǵaliuly Qabatov – qazaqstandyq ázilkesh, akter, shoýmen jáne satira janrynyń ókili. Ol 1979 jyly 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen.

Óner jolyn 2000 jyly Ǵarifolla Qurmanǵaliev atyndaǵy Batys Qazaqstan oblystyq filarmoniiasynda bastaǵan. Keiin Kóńildi tapqyrlar klýbynda óner kórsetip, “Agrarka sarbazdary”, “Astana.kz”, “Kazahi” komandalarynyń quramynda oinady.

Qabatov kópshilikke kúndelikti turmys, otbasy, er men áiel qarym-qatynasy jáne qoǵamdaǵy túrli qubylystardy ázilge ainaldyratyn monologtarymen tanyldy. Keiin jeke kontsertter ótkizip, televiziialyq jobalarǵa qatysyp, júrgizýshilikpen de ainalysty.

Ol “Ázil Álemi” ázil-syqaq teatryna jetekshilik etken. Tursynbek Qabatovqa 2015 jyly Qazaqstannyń eńbek sińirgen qairatkeri ataǵy berilgen.